::: தமிழ் எக்காளம் :::

நண்பன் தரவரிசை

2012-01-25T17:44:00.000+05:30

ஒரு வழியாக நண்பன் பார்த்தாகி விட்டது. திறனாய்வெல்லாம் இணையத்தில் ஏற்கனவே நிறைய வந்து விட்டதால் அதில் நடித்துள்ள நடிகர்களின் தரத்தினை வரிசைப் படுத்துகிறேன். அவ்வளவே....

தரம் 1: சத்யராசு

தரம் 2: சத்யன்

தரம் 3: இற்றிகாந்த்

தரம் 4: சீவா

தரம் 5: விசய்

என்னைக் கவர்ந்த பாடல்

2012-01-21T17:37:00.003+05:30

படம்: மிஸ்டர் மெட்ராஸ்
பாடியவர்: எஸ்.பி.பாலசுப்ரமணியம்
இசை: வித்யாசாகர்
நடிப்பு: பிரபு, சுகன்யா

பல்லவி

பூங்காற்று வீசும் பொன்மாலை நேரம்
காதோடு ஏதோ கூறாமல் கூறும்.
உச்சிவானமெங்கும் ஒடுகின்ற மேகம்
கிட்ட வந்து என்னைத் தொட்டுவிட்டுப் போகும்.- பூங்காற்று

சரணம் 1

கோலமிட்ட வீடு என்றும் கோயில் என்றாகும்
கோயில் தன்னை நாடிவந்தால் வாழ்க்கை நன்றாகும்.
வேலைவாய்ப்பொன்று தேடினேன். தேடி நாள்தோறும் ஓடினேன்
தெய்வம் என்பாடு பார்த்தது - இங்கு எனைக் கொண்டு சேர்த்தது.
வேதனை யாவும் சோதனை யாவும் நேற்றுடன் தீர்ந்தது - பூங்காற்று

சரணம் 2

நானும் இந்த வீட்டைச் சேர்ந்த ஜீவன் என்றானேன்.
இங்கே உள்ள யாவரோடும் நானும் ஒன்றானேன்
வீட்டின் சந்தோஷம் பொங்கவே பாட்டு எந்நாளும் பாடுவேன்

அன்பு பாராட்டும் யாருக்கும் நன்றி என்பாட்டில் கூறுவேன்.

பூமியில் நானும் நேரினில் காணும் சொர்கமே வீடுதான் - பூங்காற்று

என்னைக் கவர்ந்த பாடல்

2012-01-21T16:44:00.001+05:30

படம்: மறுபடியும்
பாடியவர்: எஸ்.பி.பாலசுப்ரமணியம்
இசை: இளையராஜா
இயக்கம்: பாலு மகேந்திரா
நடிப்பு: ரேவதி, அரவிந்தசாமி

பல்லவி

நலம் வாழ எந்நாளும் என் வாழ்த்துக்கள் - தமிழ்
கூறும் பல்லாண்டு என் வார்த்தைகள்
இளவேனில் உன்வாசல் வந்தாடும்
இளந்தென்றல் உன்மீது பண் பாடும் - நலம்

சரணம் 1

மனிதர்கள் சில நேரம் நிறமாறலாம்.
மனங்களும் அவர் குணங்களும் தடம் மாறலாம்
இலக்கணம் சில நேரம் பிழையாகலாம் - எழுதிய
அன்பு இலக்கியம் தவறாகலாம்.
விரல்களைத் தாண்டி வளர்ந்ததைக் கண்டு
நகங்களை நாமும் நறுக்குவதுண்டு
இதிலென்ன பாவம் எதற்கிந்த சோகம் கிளியே - நலம்

சரணம் 2

கிழக்கினில் தினம் தோன்றும் கதிரானது
மறைவதும் பின்பு உதிப்பதும் மரபானது
கடல்களில் உருவாகும் அலையானது
எழுவதும் பின்பு விழுவதும் இயல்பானது.
நிலவினை நம்பி இரவுகள் இல்லை
விளக்குகள் காட்டும் வெளிச்சத்தின் எல்லை
ஒரு வாசல் மூடி மறுவாசல் வைப்பான் இறைவன் - நலம்

என்னைக் கவர்ந்த பாடல்

2012-01-17T18:14:00.001+05:30

படம்: இளமைக் காலங்கள்

பாடியவர்: கே.ஜே.யேசுதாஸ்

இசை: இளையராஜா

பல்லவி

ஈரமான ரோஜாவே என்னைப் பார்த்து மூடாதே

கண்ணில் என்ன சோகம் போதும்

ஏங்காதே என் அன்பே ஏங்காதே – 2

சரணம் 1

என்னைப் பார்த்து ஒரு மேகம்

ஜன்னல் சாத்திவிட்டுப் போகும் -2

உன் வாசலில் என்னைக் கோலம் இடு –

இல்லையென்றால் ஒரு சாபம் இடு

பொன்னாரமே.. ஏ...

உன் போல என் ஆசை தூங்காது ராணி

தண்ணீரில் தள்ளாடுதே தோணி - ஈரமான

சரணம் 2

நேரம் கூடி வந்த வேளை நீ

நெஞ்சை மூடி வைத்த கோழை – 2

என் நெஞ்சிலே இனி ரத்தம் இல்லை

கண்ணீருக்கே நான் தத்துப்பிள்ளை

என் காதலி.. இ..

தண்ணீரில் மூழ்காது காற்றுள்ள பந்து

என்னோடு நீ பாடி வா சிந்து -ஈரமான

என்னைக் கவர்ந்த பாடல்

2011-12-31T14:50:00.000+05:30

படம்: சிகரம்
பாடல்: வைரமுத்து
இசைய‌மைத்துப் பாடியவர்: எஸ்.பி. பாலசுப்ரமண்யம்
நடிப்பு: இராதா, எஸ்.பி. பாலசுப்ரமண்யம்

பல்லவி

வண்ணம் கொண்ட வெண்ணிலவே
வானம் விட்டு வாராயோ
விண்ணிலே பாதை இல்லை
உன்னைத் தொட ஏணி இல்லை - வண்ணம்.

சரணம் 1

பக்கத்தில் நீயுமில்லை
பார்வையில் ஈரமில்லை
சொந்தத்தில் பாஷையில்லை
சுவாசிக்க ஆசையில்லை - 2
கண்டு வந்து சொல்வதற்கு
காற்றுக்கு ஞானமில்லை
நீலத்தைப் பிரித்துவிட்டால்
வானத்தில் ஏதுமில்லை
தள்ளித்தள்ளி நீயிருந்தால்
சொல்லிக் கொள்ள வாழ்க்கையில்லை. - வண்ணம்

சரணம் 2

நங்கை உந்தன் கூந்தலுக்கு
நட்சத்திரப் பூப்பறித்தேன்
நங்கை வந்து சேரவில்லை
நட்சத்திரம் வாடுதடி- 2
கன்னி உன்னைப் பாத்திருப்பேன்
கால் கடுக்கக் காத்திருப்பேன்
ஜீவன் வந்து சேரும்வரை
மேகம் போல் நான் மிதப்பேன்
தேவி வந்து சேர்ந்துவிட்டால்
ஆவி கொண்டு நான் நடப்பேன். - வண்ணம்

கொடுக்கப்பட்டதை விட அதிக விலையா? எந்த எண்ணுக்கு அழைப்பது?

2011-10-15T17:38:00.000+05:30

இன்றைய நாட்களில் எது வாங்கினாலும், 5 முதல் 10 உரூபாய் முடிய அதிக விலை கொடுத்து வாங்க வேண்டிய நிலை ஒவ்வொருவருக்கும் ஏற்பட்டு வருகின்றது.

இது தொடர்பாக அழைக்க வேண்டிய தொலைபேசி எண்க‌ள்: 044‍ 24321438, 044 24321525

இந்த எண்க‌ள் சென்னை தேனாம்பேட்டை டிஎம்எஸ் வளாகத்தில் உள்ள தொழிலாளர் நல ஆணையர் அலுவலகத்தில் உள்ள சட்டமுறை எடையளவுக் கட்டுப்பாட்டு அதிகாரிக்குச் செல்லும். இது குறித்து அவர் உடனடியாக நடவடிக்கை எடுக்க ஆவன செய்வார்.

அப்படி அதிகமான விலைக்கு விற்றால் குறைந்தபட்சம் 2 ஆயிரம் முதல் அதிகபட்சமாக 25 ஆயிரம் முடிய தண்டத்தொகை விதிக்கப்படும். கடந்த சில நாட்களில் தென்சென்னையில் 63 கடைகளில் சோதனை நடத்தப்பட்டது. இதில் 16 வழக்குகள் பதிவு செய்யப்பட்டுள்ளன.

நன்றி: தினகரன்

என்னைக் கவர்ந்த பாடல்

2011-10-01T17:37:00.000+05:30

பாடல்: இஞ்சி இடுப்பழகி...
பாடியவர்கள்: கமல்ஹாசன், எஸ்.ஜானகி
படம்: தேவர்மகன்
இசை: இளையராஜா
பாடலாசிரியர்: வாலி
குறிப்பு: எஸ்.ஜானகிக்கு நாட்டின் மிக உயரிய விருது கிடைத்த பாடல்

பல்லவி:

இஞ்சி இடுப்பழகி
மஞ்ச செவப்பழகி
கள்ளச் சிரிப்பழகி
மறக்க மனம் கூடுதில்லையே
மறக்குமா மாமன் எண்ணம்
மயக்குதே பஞ்சவர்ணம்
மடியிலே ஊஞ்சல் போட
மானே வா (இஞ்சி...)

சரணம் 1

தன்னந்தனிச்சிருக்க‌
தத்தளிச்சுத் தானிருக்க‌
ஒன் நெனப்பில் நான் பறிச்சேன் தாமரைய‌
புன்ன வனத்தினிலே
பேடக்குயில் கூவயில‌
ஒன்னுடைய வேதனைய நானறிஞ்சேன்.
ஒங்கழுத்தில் மாலயிட
ஒன்னிரண்டு தோளத் தொட‌
என்ன தவம் செய்தேனோ என் மாமா
வண்ணக்கிளி கையத் தொட‌
சின்னச்சின்ன கோலமிட‌
உள்ள மட்டும் ஒன்வழியே மானே - 2

பல்லவி (பெண்குரல்):

இஞ்சி இடுப்பழகா
மஞ்ச செவப்பழகா
கள்ளச் சிரிப்பழகா
மறக்க மனம் கூடுதில்லையே
அடிக்கிற காத்தக் கேளு
அசயிற நாத்தக் கேளு
நடக்கிற ஆத்தக் கேளுக‌
நீ தானே

தமிழில் புதிய வார்த்தை சித்தாமாமா.

2011-09-12T17:21:00.002+05:30

ஒராண்டு பதினொரு மாதங்கள் ஆன என் ஆண் மகவு, "பொற்கோ" சில நாட்களாகப் பேசி வருகிறான். "அம்மா, அப்பா, தண்ணி, மாமா, தாத்தா, சித்தி" எனச் சரியாகப் பேசி வருபவனுக்கு "சித்தப்பா" என்ற வார்த்தை சரியாக வரவில்லை. அதற்கு மாற்றாக‌ "சித்தாமாமா" எனக்கூறிவருகிறான். அவன் அவ்வார்த்தையைக் கூறும் பொழுது நாங்கள் அடையும் மகிழ்ச்சிக்கு அளவேயில்லை.

"குழலினிது யாழினிது என்பர்தம் மக்கள்
மழலைச்சொல் கேளா தவர்."

என்ற திருக்குறளுக்கொப்ப அவன் பேசுவதை நாங்கள் நாள்தோறும் சுவைத்து வருகிறோம்.

தம்பிக்குத் திருமணம்

2011-08-16T17:14:00.002+05:30

எனதருமைத் தம்பிக்கு வரும் செப்டம்பர்த் திங்கள் இரண்டாம் நாள் (02-09-2011) திருமணம்
நடக்கவிருப்பதை மகிழ்வுடன் தெரிவித்துக் கொள்கிறேன்.

அழைப்பிதழ் ஆங்கிலத்தில் உங்களை அழைக்கிறது.

முடிந்தால் உதவுவோம்.

2011-07-28T09:49:00.002+05:30

என்னுள் அதிக தாக்கத்தை ஏற்படுத்திய பதிவு இது.
தொடுப்பை இணைத்துள்ளேன்.

http://bluehillstree.blogspot.com/2011/07/blog-post_25.html

முடிந்தால் உதவுவோம்.

25 பைசா நாணயத்திற்கு மூடு விழா

2011-07-01T10:25:00.000+05:30

புதுடில்லி: இன்று முதல் 25 பைசா நாணயத்திற்கு மூடு விழா நடத்தவுள்ளது இந்திய ரிசர்வ் வங்கி. ஒரு காலத்தில் ஒரு பைசா, 2 பைசா, 5 பைசா, 10 பைசா என்று நாணயங்கள் இருந்தன. அவற்றை பல ஆண்டுகளுக்கு முன்பே நிறுத்தி விட்டனர். இவற்றை இப்போதெல்லாம் காணவே முடிவதில்லை. தற்போது 25 பைசா, 50 பைசா ஆகியவை மட்டும் புழக்கத்தில் உள்ளன. இதில் 25 பைசா நாணயத்தையும் புழக்கத்திலிருந்து நிறுத்த அரசு முடிவெடுத்துள்ளது. அதன்படி இன்றுடன் (ஜூன் 30ம்) தேதியுடன் 25 பைசா நாணயத்தை நிறுத்தவுள்ளனர். அதற்குப் பிறகு இந்த பைசா செல்லாததாக அறிவிக்கப்படும். அதன் பிறகு இதை எங்கும் பயன்படுத்த முடியாது. எனவே அதற்குள் 25 பைசாக்களை வைத்துள்ளவர்கள் அவற்றை வங்கிகளில் மொத்தமாக கொடுத்தால் அதற்கு நிகரான தொகையை வங்கிகள் வழங்கும் என அறிவிக்கப்பட்டுள்ளது.

நன்றி: தினமலர்

அரிசியின் வேறு பெயர்கள்:

2011-06-20T14:45:00.003+05:30

உலகத்தின் பொதுவான அணிகளில் ஒன்றாக அரிசி இருந்தாலும் அதன் தாய்வீடு தமிழகம்தான். அதன் வெவ்வேறு பெயர்கள் வெவ்வேறு மொழிகளில் பின்வருமாறு:

ஒரைஸா (இலத்தீன்)

அரூஜ் (அரபி)

அரோஜ் (ஸ்பானிஷ்)

ஒரிஜா (கிரேக்கம்)

ரயிஸொ (இத்தாலி)

ரிஜ் (பிரெஞ்சு)

ரியிஸ் (ஜெர்மன்)

ரிஸ் (ரஷ்யா)

வ்ரிஹி (சமற்கிருதம்)

வாரி (மடகஸ்கர்)

ப்ரின்ஜ் (பார்சி)

அக்கி (கன்னடம்)

சாவல் (இந்தி)

நன்றி தினகரன்.வசந்தம்

காற்றில் ஓடும் ஊர்தி கண்டுபிடிப்பு

2011-06-20T14:45:00.000+05:30

பொள்ளாச்சி. ஏப்ரல் 17. பெட்ரோல் விலை உயர்வு, ஊர்தி விலை அதிகம், சுற்றுச்சூழல் மாசுபடுதல் உள்ளிட்ட பல சிக்கல்களுக்கு கோவை கருமத்தப்பட்டி தமிழ்நாடு பொறியியல் கல்லூரி மாணவர்கள் தீர்வு கண்டுள்ளனர். இன்று உலகம் முழுவதிலும் மக்களைப் பெரிதும் தாக்கி வருவது சூழல் மாசுபாடுதான். மாசுபாட்டைக் குறைக்க பல்வேறு நாடுகளும் பல பெரும் முயற்சிகளை மேற்கொண்டு வருகின்றது.

3 மாதம் இடைவிடாத முயற்சியின் காரணமாக 35000உரூபாய் செலவில் ஒருவர் மட்டுமே அமர்ந்து செல்லும் ஊர்தியை அமைத்தோம். மணிக்கு 35 கி.மி செல்லும் இதற்கு ஆண்டுக்கு பராமரிப்புச் செலவு 2000உரூபாய் மட்டுமே. இதிலிருந்து புகையும் வராது. சூழலும் மாசுபடாது. நாம் செல்லும் வழியில் எங்காவது ஒரு மிதிவண்டிக் கடையில் நிறுத்தி ஊர்தியின் பின்புறத்தில் இருக்கும் பெட்டியில் காற்றை நிரப்பிக் கொண்டு பயணத்தைத் தொடரலாம். இவ்வாறு மதன்குமார்(21) கூறினார்.

நன்றி தினகரன்.

நாப்பழக்கச் செழுங்கவிதை

2011-06-20T14:42:00.002+05:30

அண்டமெல்லாம் பற்றுறுதி கொண்டு கற்றறிய‌
பொங்குதமிழ் தொட்டெழுதிப் படைக்கின்றேன்
புதுவிருந்து யான் உற்றறிந்ததை.

உற்றறிந்ததில் ஊறு காணாமல்
சிற்றறிவு பேரறிவு பிணக்கில்லாமல்
பற்றிடுவீர் தமிழ் சுவைஞர்களே!

சுவைஞர்களே அமிழ்தஞ்சுவையறிய‌
செப்புங்கள் "தமிழ் தமிழ்" என்று
பிழையறாது இடையறாது.

என்னைக் கவர்ந்த பாடல்

2011-06-18T18:02:00.000+05:30

படம்: ரோஜா
பாடியவர்: மின்மினி
பாடலாசிரியர்: வைரமுத்து
இசை: ஏ.ஆர்.இரகுமான்
குறிப்பு: ஏ.ஆர்.இரகுமானுக்கு நாட்டு விருது வாங்கித்தந்த பாடல்.

பல்லவி

சின்னச்சின்ன ஆசை
சிறகடிக்கும் ஆசை
முத்து முத்து ஆசை
முடிந்து வைத்த ஆசை

வெண்ணிலவு தொட்டு முத்தமிட ஆசை
என்ன இந்த பூமி சுற்றிவர ஆசை - (சின்னச்சின்ன)

சரணம் 1

மல்லிகைப் பூவாய் மாறிவிட ஆசை
தென்றலைக் கண்டு மாலையிட ஆசை
மேகங்களை எல்லாம் தொட்டுவிட ஆசை
சோகங்களை எல்லாம் சுட்டுவிட ஆசை
கார்குழலில் உலகைக் கட்டிவிட ஆசை - (சின்னச்சின்ன)

சரணம் 2

சேற்றுவயலாடி நாற்று நட ஆசை
மீன் பிடித்து மீண்டும் ஆற்றில் விட ஆசை

வானவில்லைக் கொஞ்சம் உடுத்திக் கொள்ள ஆசை

பனித்துளிக்குள் நானும் படுத்துக் கொள்ள ஆசை

சித்திரத்து மேலே சேலை கட்ட ஆசை - (சின்னச்சின்ன)

உபுண்டு தன் இலவசச் சேவையை நிறுத்திவிட்டது.

2011-04-13T17:34:00.000+05:30

உபுண்டு இயங்குதளத்தினை நாம் பொதுவாக இலவசமாகப் பெற நமது முகவரியை குறிப்பிட்ட (shipit.ubuntu.com) தளத்தில் கொடுக்க வேண்டும்.
ஆனால் உபுண்டு தன் இலவசச் சேவையினை இப்பொழுது நிறுத்தி விட்டது. ஆனால் பதிவிறக்கச்சுட்டி கொடுக்கப் பட்டுள்ளது. அதைக் கொண்டு நாம் பதிவிறக்கிக் கொள்ளலாம். சேவையை நிறுத்தியமைக்கு உபுண்டு சொல்லும் காரணத்தை ஆங்கிலத்திலே கீழே காணலாம்.

(ShipIt has closed

After delivering millions of Ubuntu CDs to millions of new users, our ShipIt programme has finally run its course. While we can no longer deliver free CDs through the programme, it’s still easy to get Ubuntu. You can download Ubuntu for free from Ubuntu.com or you can buy a CD straight from the Canonical shop.)

காலஞ்சென்ற பின்னணிப் பாடகர் மலேசியா வாசுதேவனுக்கு இந்தப்பதிவு அஞ்சலி

2011-04-05T18:23:00.003+05:30

காலத்தால் அழிக்க இயலாத பல பாடல்கள் பாடியவர் மறைந்த பாடகர் மலேசியா வாசுதேவன். 66 அகவையில் இறையடி சேர்ந்தார். எஸ்.பி.பியும், கே.ஜே யேசுதாசும் கோலோச்சிய காலத்திலும், தன்னளவில் அருமையான பாடல்களைக் கொடுத்தவர் இவர். மலையாளத்தினை தாய் மொழியாகக் கொண்டாலும், தமிழ் உச்சரிப்பில் திலகம் இவர். இவர் பாடிய சில பாடல்களை இப்பதிவில் காணலாம்.

இரசினிகாந்த்:
வாவா வசந்தமே (புதுக்கவிதை)
ஆகாயகங்கை (தர்மயுத்தம்)
வாங்கடா வாங்க மற்றும் சில பாடல்கள் (மாவீரன்)
பெத்து எடுத்தவதான் (வேலைக்காரன்)
அதிசயப்பிறவி (அனைத்துப் பாடல்களும்)
மனிதன் மனிதன் (மனிதன்)
கமல்:
ஆட்டுக்குட்டி முட்டையிட்டு (16 வயதினிலே)
காதல் வந்திருச்சி [குரலை மாற்றிப் பாடிய பாடல்] (கல்யாணராமன்)
சிவாஜி:
முதல் மரியாதை (அந்த நெலாவத்தான் என்னும் ஒரு பாடல் தவிர‌ அனைத்துப் பாடல்களும்)
விசயகாந்த்:
மஞ்சள் பூசும் (சக்கரைத்தேவன்)
கார்த்திக்:
கட்டிவச்சுக்கோ
சத்யராஜ்:
என்னம்மா கண்ணு (மிஸ்டர் பாரத்)
பிரபு:
சிவி சிணுக்கெடுத்து (வெற்றி விழா)
அடி படகோட்டும் பட்டம்மா (சின்னவர்)
இராமராசன்:
புள்ளி வச்சா (பாட்டுக்கு நான் அடிமை)
ஏ.ஆர்.இரகுமான்:
தென்கிழக்குச் சீமையில(கிழக்குச் சீமையிலே)
காடு பொட்டக் காடு (கருத்தம்மா)
மோனோலிசா (மிஸ்டர் ரோமியோ)
கே.பாக்யராஜ்:
வான் மேகங்களே (புதிய வார்ப்புகள்)
ஏஞ்சோகக் கதைய கேளு (தூறல் நின்னு போச்சு)
முரளி:
ஓபார்ட்டி (இதயம்)
மோகன்:
கூட்சு வண்டியிலே (குங்குமச்சிமிழ்)
எழுதுகிறாள் ஒரு புதுக்கவிதை (சரணாலயம்)

மலேசியா வாசுதேவன் மறைந்தாலும் அவர் பாடிய பாடல்கள் தேனாகக் காற்றில் கலந்து என்றென்றும் ஒலிக்கும் என்பது திண்ணம்.

என்னைக் கவர்ந்த பாடல்

2011-04-01T16:41:00.001+05:30

படம்:மின்சாரக்கனவு
பாட‌ல்: வைர‌முத்து
பாடிய‌வ‌ர்க‌ள்:எஸ்.பி.பால‌சுப்ர‌ம‌ணிய‌ம், மால்குடி சுபா
இசை: ஏ.ஆர்.இர‌குமான்

குறிப்பு:எஸ்.பி.பிக்கு நாட்டின் உய‌ரிய‌ விருது கிடைத்த‌ பாட‌ல்.

பல்லவி

தங்கத் தாமரை மகளே வா அருகே
தத்தித்தாவுது மனமே வா அழகே
வெள்ளம் மன்மத வெள்ளம் - சிறு
விரிசல் கண்டது உள்ளம்
இவை எல்லாம் பெண்ணே உன்னாலே - (தங்கத் தாமரை)

சரணம் 1

செழித்த அழகில் சிவந்து நிற்கும் செந்தேனே - என்
கழுத்து வரையில் ஆசை வந்து நொந்தேனே.
தெறித்த கண்ணால் கண்கள் விழுங்கும் பெண்மானே - உன்
கனத்த கூந்தலின் காட்டுக்குள்ளே காணாமல் நான் போனேனே.
இருதயத்தினுள்ளே ஒலை ஒன்னு கொதிக்க
எந்த மூடி போட்டு நான் என்னை மறைக்க‌?
தொடட்டுமா தொல்லை நீக்க - (தங்கத் தாமரை)

சரணம் 2

பறக்கும் வண்டுகள் பூவில் கூடும் கார்காலம்.
கனைக்கும் தவளைகள் துணையைச் சேரும் கார்காலம்.
பிரிந்த குயிலும் பேடை தேடும் கார்காலம்.
பிரிந்திருக்கும் உயிரையெல்லம் பிணைத்து வைக்கும் கார்காலம்.
நகங்கடிக்கும் பெண்ணே நடக்காதே ஆசை.
நாகரிகம் பார்த்தால் நடக்காது பூஜை.
நெருக்கமே காதல் பாஷை. - (தங்கத் தாமரை)

தொழிற்நுட்பக் கலைஞர்களை முட்டாளாக்கிய கூகுள்.

2011-04-01T15:41:00.000+05:30

கூகுளில் இன்று, ஏப்ரல் 1 தேதி நுழைவமைவில் கூகுள் மோஷன் என்ற வசதி இணைக்கப் பட்டிருப்பதாக செய்தி உள்ளது.

இதை நம்பி கூகுளில் தேடினால் மிகுதியான செய்திகளும், யுடியுபில் மிகுதியான காணொளிகளும் கிடைக்கின்றன.

எல்லாம் சரி என்று நினைத்து கூகுள் மோஷனை முயற்சி செய்தால் ஏப்ரல் முட்டாள் என்ற செய்தி வருகின்றது.

எல்லாரையும் முட்டாளாக்கிய கூகுள் வாழ்க.

என்னைக் கவர்ந்த பாடல்

2011-03-24T15:51:00.001+05:30

படம்: வெளிச்சம்
இசை: மனோஜ் கியான்
பாடல்: வைரமுத்து
பாடியவர்: கே.ஜே.யேசுதாஸ்

பல்லவி

துள்ளித் துள்ளிப் போகும் பெண்ணே
சொல்லிக் கொண்டு போனால் என்ன‌?
கன்னி உந்தன் பேர் என்ன‌?
வெள்ளிக் கொலுசு போகும் திசையில் பாவி நெஞ்சு போவதென்ன? -(துள்ளி)

சரணம் 1

பூமி என்னும் பொண்ணும் பொட்டு வைத்துக் கொண்டு பச்சை ஆடை கட்டிப் பார்த்தால், ஊமைப் பெண் நாணம் கொண்டு ஏன் மறைந்து போகிறாள்?-2
பூமிப்பெண்ணுக்கும் கன்னிப்பெண்ணைப் போல் நெஞ்சில் ஈரம் உண்டு. -
(துள்ளி)

சரணம் 2

அந்தி வெளிச்சம் முந்தி விரித்துப் பந்தி இங்கு வைக்கும் நேரம், பூச்சிந்தும் பூமியெல்லாம் நான் வணங்கும் காதலி - 2
மண்டியிட்டு நான் முத்தம் தரவா மின்னல் பெண்ணே வாவா. -(துள்ளி)

பணம் படுத்தும் பாடு

2011-03-11T16:57:00.000+05:30

செவிவழிக் கவிதை

நாயாய்ப் பணத்தைத் தேடினேன்.
பேயாய் அதனைப் பாதுகாத்தேன்.
நோயாய் அதனைச் செலவழித்தேன்.
மனிதனாய் வாழ மறந்துவிட்டேன்.

தமிழில் சில கலைச்சொற்களைக் காண்போம்.

2011-02-14T14:28:00.000+05:30

பொதுவாக ஆங்கில வழக்கு இன்றைய நாட்களில் அதிகம் வந்து விட்டது. நாம் கணினித்துறையில் மிகவும் அதிகமாக

ஆங்கிலத்தில் கலைச்சொற்களைப் பயன்படுத்தி வருகின்றோம். ஆங்கிலச் சொற்களையும்

அதற்கிணையான தமிழ்ச் சொற்களையும் இந்தக் கட்டுரையில் காணலாம்.

protocols - முறைமைகள்

communication - தொடர்பாடல்.

DNS (Domain Name System) - வட்டாரத் பெயரிடல் முறை (வ.பெ.மு)

DHCP(Dynamic Host Configuration Protocol) - இயக்கநேர பொறி சீரமைவு முறைமை

boot - தொடக்கம்

bootp (boot protocol)- தொடக்க முறைமை.

restart(reboot)- மறுதொடக்கம்.

shutdown - பொறியணைப்பு, அணை

Operating system/ platform - இயங்குதளம்

logoff - வெளியேற்றம்

exit -‍ வெளியேறுதல்

login - நுழைவமைவு

network - வலையம்

ipaddress ‍- இணைய முகவரி/வலைய முறைமை முகவரி

mac address - ‍ ‍வலைய அட்டை அணுகல் கட்டுப்பாட்டு முகவரி

account ‍- கணக்கு

ddns(Dynamic Domain Name System) -‍ இயக்க நேர வட்டாரப் பெயரிடல் முறை (இ.வ.பெ.மு)

server -‍ சேவையாளர்/சேவையர்

client ‍- வாடிக்கையாளர்

BIOS -‍ அடிப்படை உள்ளீட்டு பொறியமைவு

motherboard ‍- தாய்ப்பலகை

samba server ‍- சாம்பா சேவையாளர்/ சம்பா சேவையர்.

kick start ‍- உதைத் தொடக்கம்/ உந்து தொடக்கம்

unattend installation ‍- குறுவட்டில்லா நிறுவல் முறை

remote installation ‍‍- தொலை நிறுவல் முறை

apache server/web serveer - ‍ வலைச் சேவையாளர்/ வலைச் சேவையர்

default- உள்ளிருப்பு

Linux - லினக்ஸ் டோர்வால்ட்ஸ் என்பவரால் கண்டறியப்பட்ட‌ இயங்குதளம்.

user administration - பயனர் ஆட்சிமை

user management - பயனர் மேலாண்மை

user friendly - பயனர் தோழமை

click - சொடுக்கி

mouse pointer - சுட்டி

keyboard - விசைப்பலகை, தட்டச்சுப் பலகை

ping - கூவல், இணைப்பொலி

packet - செய்தித்துளி

squid/proxy - போலிச் சேவையாளர்/ போலிச் சேவையர்

mail server - மின்னஞ்சல் சேவையர்

dovecot - மின்னஞ்சல் வாடிக்கையாளர்

rpm(redhat package management) - ரெட் ஹாட் நிறுவல் தொகுப்பு மேலாண்மை

package - தொகுப்பு

editor - தொகுப்பான்

configuration - சீரமைவு, அமைவு, பொறியமைவு

LDAP(lite weight direct access protocol) - எடைகுறைவு அணுகல் முறைமை

POP - அஞ்சல் முறைமை

POP3 - அஞ்சல் முறைமை3

concept - கருத்துரு, கருத்தமைவு

NAT (Network Address Translation) - வலைய முகவரி பெயர்ப்பு

iptables - இணைய முகவரி அட்டவணை

shortcut - சுருக்குவிசை, குறுக்குவிசை

virtual console/terminals - நிகழ்நிகர் பொறி

shell script - பொறி நிரல்

Python script - பைத்தான் நிரல்

Perl script - பெர்ல் நிரல்

project - திட்டம்

report - அறிக்கை

colour - வகை

YellowDog Updater Modifier - பழுப்புஞமலி மேம்பாடு

xerox - ஒளிப்படி

backup - காப்புப்படி

grep - தேடல் கட்டளை

command - கட்டளை

instruction - கட்டளை வரி

dictionary - அகரமுதலி

browser - உலாவி, மேய்வான்

VNC viewer/ remote desktop - தொலை அணுகல்

Remote login - தொலை நுழைவமைவு

ssh(secure shell) - பாதுகாப்பு பொறி நுழைவு

trust - நம்பிக்கைப் பொறிகள்

domain - வட்டாரம், பகுதி

interactivity - ஊடாட்டம்

arp (address resolution protocol) - முகவரி கூடுதல் முறைமை

virtual reality - நிகழ்நிகர் நிகழ்வு

move - நகர்வு, மாற்றம்

copy - படி, படியெடு

built-in - உள்ளிணைந்த, பொறியோடிணைந்த‌

machine-independent - தன்னாட்சி பெற்ற

windows - சாளரம்

statusbar - நிலைஉணர்த்திப் பட்டை

flexibility - நெகிழ்தன்மை, இலகுதன்மை,எளிமைத்தன்மை

unicode - சிருரூ, ஒருங்குறி

progressbar - தேர்ச்சிப் பட்டை

menubar - பட்டியல் பட்டை

toolbar - கருவிப் பட்டை

scanner - ஒளிவருடி

submenu - துணைப் பட்டை, துணைப்பட்டியல் பட்டை

mount - குன்றுதல், இணைத்தல்

format - சீரமைத்தல்

quota - வரம்பு

network pinging - தொலை இணைப்பொலி

limit - எல்லை

POST(Power On Self Test) - மின்னியக்கத் தன் தேர்வு, மின்தன்தேர்வு

LILO(Linux Loader) - லினக்ஸ் ஏற்றுவான்

GRUB(Grand Unified Boot Loader) - பெரிய தனித்துவ தொடக்க ஏற்றுவான்

Abbrevation - சொற்சுருக்கம்

acronym - குறுஞ்சொல்

hover-craft - நிலநீர் உந்து

shift key - மாற்றுவிசை

ctrl key - கட்டுப்பாட்டு விசை

alt key - வேறு விசை

function key - முறை விசை

duplicate - இரண்டாம் போலி

triplicate - மூன்றாம் போலி

script - குறுநிரல்

widget, gadgets - குறுநிரல் தொகுப்பு

pen scanner - நூவல் வருடி

menu-driven programming - பட்டை ஓட்ட நிரலமைவு, பட்டை இயக்க நிரலமைவு

device drivers - கருவி செயலி, கருவி இயக்கி

console - காண்பிப்பான்

redundancy -போலி, போலிருத்தல்

குறும்பாக்கள்

2010-12-24T12:23:00.000+05:30

அமாவாசை அன்று
அம்புலியைத் தேடியது
அளப்பரிய இயற்கை.

ஆளிலாத் தனிமையில்
இன்பத்தேன்
கவிதைகள்.

இதுவல்லவோ கவிதை.

2010-10-26T15:39:00.002+05:30

படையே நடுங்கும்
பாம்புக்குப் பெயர்
நல்ல பாம்பு.

பேய்ப் படத்திற்குப்
பெயர்
"யாவரும் நலம்."

கறு கறு என இருக்கும்
ஆட்டிற்குப் பெயர்
வெள்ளாடு.

மரத்திலிருந்து
கொய்த பழத்திற்குப் பெயர்
கொய்யாப் பழம்.

முதலிரு வரிகளில் முரண்பாடு
மூன்றாம் வரியில் முத்தாய்ப்பு
இதுவல்லவோ கவிதை.

வேந்தனும், வீரையும்

2010-09-23T15:33:00.000+05:30

"எங்களுக்குத் தெரியும்டா" நூலினை ஏழாவது முறையாகப் படித்துக் கொண்டிருந்தான் வேந்தன்.
நூலினைப் படிக்கும் பொழுதே நூலினூள் நுழைந்துவிடும் நடை அந்நூலினுடையது.
எண்ணியல் மயமாக்கப்பட்ட வேந்தனின் இல்லம் பெரும்பாலும் அயல்நாட்டு கண்ணாடிகளாலும்,
அலங்காரச் சிலைகளாலும் வேயப்பட்டிருந்தது. அத்தனையும் மறந்து நூலினுள் மூழ்கலானான் வேந்தன்.
நூலின் வனப்பு அதன் ஆசிரியரின் பெயரைக்கூட பார்க்க வேண்டுமென்ற எண்ணத்தை மறக்கடிக்கச் செய்தது.

அவள் அழகிமட்டுமல்ல, வீரமிக்க பெண்ணுங்கூட. தனியாகச் செயல்களைச் செய்வதில் வல்லவள்.பெயர் வீரை.

இனி இவளைப்பற்றிச் சில வரிகள் பார்ப்போம்.
புதினம் எழுதும் புதுமை விழிகள்
வில்லொத்த புருவம்.
தொழில் திருட்டு.
நுனி போல் குத்தும் நாசி.
ஆரஞ்சுப்பழ சுளை உதடுகள்.

இன்னும் எழுத முடியாத அழகு மிகுதியாக இருந்தது வீரையிடம்.

நூலிலிருந்து வெளியேறிய வேந்தன் தண்ணீர் குடிக்கச் சென்றான்.
குளிர்பதனப் பெட்டியிலிருந்து ஒரு குவளை நீருடன் வந்தவன் மீண்டும் நுழைந்தான் நூலினுள்.
வீடு முழுதும் எண்ணியல் மயமாக்கப் பட்டிருந்தாலும் பழைய நூலினைப் படிப்பது வியப்பே.

ஒவ்வொரு வார்த்தைகளும் சேர்ந்திருந்த விதம் மீண்டும் மீண்டும் படிக்கத் தோன்றியது வேந்தனுக்கு.
கதையில் வரும் பாத்திரங்கள் அனைத்தும் அவன் அருகில் இருப்பது போல் எண்ணிக்கொண்டே நூலினுள் மூழ்கலானான்.

வீரை உடும்பு கொண்டு வந்திருந்தாள். எண்ணியல் அறையைத் திருடுவதற்காக.
உடும்புப் பிடி பிடிக்க தூக்கி கட்டிடத்தின் மேற்கூரையில் எறிந்தாள் வீரை.

எதோ அரவம் கேட்டவன் போல் எழுந்த வேந்தன் சுற்றும் முற்றும் பார்த்தான்.
ஒன்றுமில்லை என்ற உடன் மீண்டும் நூலினுள் நுழைந்தான்.

வீரை கட்டிய கயிறு அவ்வளவு தடிமனாக இல்லை. ஆதலால் வீரையின் கயிறு அறுந்த‌து பாதி தொலைவு வந்தவுடன்.

கதை முடிந்திருந்தது.

நூலின் மேல் உள்ள காதலால் "எங்களுக்குத் தெரியும்டா" நூலினை எட்டாவது முறையாகப் படிக்கத் தொடங்கினான் வேந்தன்.

எதிலோ எங்கெயோ படித்தது.

2010-09-23T15:31:00.002+05:30

நீல வண்ண என் வான் வீட்டை
வெள்ளைக் காரச் சிறுக்கிக்கு
வாடகைக்கு விட்டால்,
அதில் அங்கொன்றும் இங்கொன்றுமாக‌
இத்தனை ஆணிகளா
அடித்துத் தொலைப்பது.

இது வைரக்கல்
இது கோமேதகக் கல்
என்று காட்டியவனிடம் கேட்டேன்
"உன் தொழில் என்ன?"
பதறாமல் வந்தது பதில்
"பதுக்கல்."

குறும்பாக்கள்

2010-09-08T11:32:00.002+05:30

ஒழுங்கின்மையுடன் கூடிய‌
ஒழுங்கு
இசைப்புயலின் இசை.

ஒரே பக்கமுள்ள நாணயம்
ஏ.பி.ஜே. அப்துல் கலாம்.

எங்கோ படித்தது.

2010-09-08T11:30:00.002+05:30

மழையில் நனைய
மௌன அழைப்பு
மண் வாசனை.

காதுகளைப் பிடித்துத்
தூக்கியும் கதறவில்லை
கைப்பை.

மென்பொருள் உரிமை நாள்.

2010-09-08T11:03:00.002+05:30

செப்டம்பர் 18 மென்பொருள் உரிமை நாள்.

மென்பொருள் உரிமை நாள் வரும் பதினெட்டாம் தேதி நடக்க உள்ளது.
இது ஆண்டுதோறும் செப்டம்பர் மாதம் மூன்றாம் சனிக்கிழமை உலகெங்கிலும் கொண்டாடப் படுகின்றது.

குறிக்கோள்கள்

1. மென்பொருள் உரிமையையும் அதற்காக உழைப்பவர்களையும் கொண்டாடுவது.
2. மென்பொருள் உரிமை பற்றிய பொதுவான புரிதலை உருவாக்கி, கட்டற்ற மென்பொருட்களையும்,
பொதுவான தகுதரங்களையும் பயன்படுத்த மக்களை ஊக்குவித்தல்.
3. எல்லாருக்கும் கிடைக்கக் கூடிய எல்லோரும் பங்கெடுக்கக் கூடிய வாய்ப்புக்களை ஏற்படுத்துவது.
4. உருவாகி வரும் தகவல் சார்ந்த சமூகத்தில் பொறுப்புக்களையும் கடமைகளையும் பற்றிய விவாதங்களையும்
ஊக்குவித்தல்.
5. இதே நோக்கத்தை கொண்டுள்ள நிறுவனங்களுடனும், தனி ஆட்களுடனும் இணைந்து செயல்படுதல்.

மேலும் செய்தியறிய கீழ்க்காணும் சுட்டியைச் சொடுக்கவும்.
www.softwarefreedomday.org

நன்றி தமிழ் கம்ப்யூட்டர்.

மனநல காப்பகத்தில் ஒரு நாள்

2010-09-06T15:41:00.000+05:30

மனநல காப்பகத்தில் இருந்த போது எழுதிய கவிதை.

உண்டு உண்டு
காப்பகம் உண்டு
காண்பதற்கினிய
செவிலிகள் உண்டு.
பாசம் காட்ட
பண்புடை அம்மை உண்டு
எல்லாம் தெரிந்தது எனக்கு
ஏனோ விடவில்லை சீக்கு.

துணுக்குகள்

2010-08-30T18:29:00.000+05:30

இந்த உலகம் வெற்றி பெற்ற மனிதனின் தும்மலைக் கூட இசை என்கிறது. தோல்வி அடைந்த மனிதனின் இசையினைக் கூட தும்மல் என்கின்றது.

வைரமுத்து.

இந்திப் பாடலில் காதை வைத்திருந்த தமிழனின் காதுகளை தமிழ்ப் பாடல்களைக் கேட்க வைத்தவர் இசைஞானி.

இந்திப் பாடலில் காதை வைத்திருக்கும் இந்திக்காரனையும், ஆங்கிலப் பாடலில் காதை வைத்திருந்த ஆங்கிலேயனையும் தமிழ்ப் பாடலைக் கேட்க வைத்தவர் இசைப்புயல்.

பொறியன் திரைப்பாடல் திறனாய்வு

2010-08-26T12:37:00.000+05:30

எந்திரன், இயந்திரன் என்பது எல்லாம் வடமொழி. பொறியன் என்பதே தமிழ் என்பது அடியேனின் தாழ்மையான கருத்து.

புதிய மனிதா பூமிக்கு வா என்பதில் வரும் பூ இசையணி ஆகும். அதைக் கேட்கும் பொழுதே நம்மையறியால்
பூ மிக்கு வா என்று பாடத்தோன்றுகின்றது. இருப்பினும் சாதனைப் பாடகர் எஸ்.பி.பி யின் குரலையே இசைப்படுத்தும்
பொறியால் இசையமைத்திருக்கிறது சற்றே நெருடுகின்றது. பின்னர் அவர் மனிதருக்குப் பாடவில்லை. பொறியனுக்கே
பாடியிருக்கிறார் என்றெண்ணும் பொழுது நெருடல் மறைகின்றது. சரணம் ஏற்ற இறக்கத்தோடு வருவது நம்மை புல்லரிக்கவைக்கிறது.
முதன் முறையாக இரகுமானின் மூத்த பெண் கதிஜா பாடியிருக்கிறார்.

அரிமா அரிமா வில் ஹரிஹரனின் குரல் பிளிறிவருகின்றது. படத்தில் நூறு இரஜினிகள் தோன்றுவார்கள் போலும்.

பூம் பூம் ரோபோ பாட்டில் யோகி.பி குரல் மேலோங்கி ஒலிக்கிறது. சுட்டி சுட்டி ரோபோ பட்டிதொட்டி எல்லாம் நீ பட்டுக்குட்டியோ:‍‍
பெண்குரலில் பாடலுக்கு மெருகேற்றுகின்றது.

இரகுமானும், கேஸியும் சேர்ந்து இரும்பிலே பூத்த இதயம் பாடியிருக்கிறார்கள். ஆங்கில வார்த்தைகள் வந்து போகின்றன.

காதல் அணுக்கள் பாடலை விஜய் பிரகாஷீம், ஸ்ரேயா கௌஷலும் பாடியிருக்கிறார்கள்.
பாடல் நாள் செல்லச் செல்ல மெதுவாக பேசப்படலாம்.

சின்மயி, ஜாவேத் அலியுடன் பாடும் கிளிமாஞ்சாரோவில் கின்னிக் கோழி,, ஆஹ்ஹா ஆஹ்ஹா
இனிமையாய் வந்து போகின்றது. சின்மயி தன் குரலை சற்றே மாற்றித்தான் பாடியிருக்கிறார்.

நரேஷ் ஐயரும், பென்னி தயாளும் குழுப்பாடகர்கள் ஆகி விட்டார்கள். "புதிய மனிதா...", "அரிமா அரிமா..."
ஆகிய பாடல்களில் அவர்கள் பாடியிருபபதை பாடலைப் பல முறை கேட்டால்தான் புரிகின்றது.

இரகுமானிடம் ஒரு கேள்வி: தமிழே தெரியாத பாடகர்களை வைத்து அதிகமாக பாடற் செய்கின்றீர்களே,
எப்பொழுது நமது புஷ்பவனம் குப்புசாமியினை இந்தியில் பாடவைக்கப் போகிறீர்கள்?

குறும்பாக்கள்

2010-08-02T15:41:00.000+05:30

கமண்டலத்தில் அடைக்கப்பட்டுள்ள
கடல்
கூகுள்.

எழுதுகோலில்
மை தீரத்தீர ஒரு கவிதை
என்னவள் பெயர் நீளமானது.

திடீரென்று

2010-05-26T18:09:00.000+05:30

திடீரென்று

என்டாப்பா..? படிச்சு முடிச்சாச்சு இனிமேல் என்ன பண்லாம்ன்னு இருக்க?
அப்பா வினவினார்.

"சிறுகதை எழுதலாம்ன்னு இருக்கேன். " இது மகன்.

"அதுக்குரிய இலக்கணம் தெரியுமாடா?" அப்பா கேட்டார்.
"திடீர்ன்னு தொடங்கி திடீர்ன்னு முடியணும். சுஜாதா சொல்லியிருக்காருப்பா."
"அப்படி என்னதான் எழுதியிருக்க பாக்கலாம்."
ஆர்வமாய்ப் பிடுங்கி இருந்த தாளில் ஒரே ஒரு வார்த்தை அமைந்திருந்தது.

திடீரென்று..

2020 ம்... அப்றம்

2010-05-26T18:07:00.002+05:30

2020 ம்... அப்றம்

"அந்த பீட்டா பதிப்பை அப்பவே முடிச்சாசே.. இப்ப என்ன பண்றீங்க பொற்கோ?" இனியா கேட்டாள்.
"ஜீமெயிலே பீட்டாதான், அதை இன்னும் தோண்டியெடுத்துக்கொண்டேதான் இருக்கிறார்கள்." இது பொற்கோ.

ம்ம்... சரி அரட்டை கச்சேரியே தொட்ங்கலாமே.

"நாம வாழறதே தமிழ்நாட்டுக்குத்தானே.." இது நீங்கள்.

"இல்லை இந்தியாவுக்குத்தான்." இது பொற்கோ.

"2020" பற்றியே பேசலாம்.இது நீங்கள்.

இரப்பர் மூலம் சாலைகள் அமைத்தல் வேண்டும்.
இது ஒரு சோதனை முயற்சிதான். சிறிதளவு மட்டும் செய்து விட்டு உந்துகளை ஓட்டிப்பார்க்க வேண்டும்.
விபத்துக்கள் நன்கு குறையும்.
பொற்கோ பேசும் அழகைக் கேட்டு இனியா வியப்பில் ஆழ்ந்தாள்.

மூலிகை எரிபொருள் கண்டறியப்பட வேண்டும்.
மூலிகை எரிபொருள் வந்தால் அண்டத்துக்கு எந்த தாக்கமும் இராது. ம். ..அப்றம் இது நீங்கள்.

லினக்ஸ் கோலோச்ச வேண்டும்.
சர்வரில் redhat இயங்குதளமும் கிளைண்டில் உபுண்டு இணையதளமும் இருக்க வேண்டும்.
ஏனெனில் வைரஸ் என்னும் பேச்சுக்கு லினக்ஸில் இடமே இல்லை.

மாறி வரும் பருவ நிலையினை கட்டுப்படுத்த வேண்டும்.
Global Warming சரி செய்யப்பட வேண்டும்.

இந்தியா இலங்கை பாலம் கட்ட வேண்டும்.
பாரதி பாடியபடி சிங்கள நாட்டிற்கோர் பாலம் அமைப்போம்.

காவிரியும் கங்கையும் இணைக்கப்பட வேண்டும்.
அதைச்சுற்றி தொடர்வண்டி, சாலைகள், பூங்காக்கள் அமைக்க வேண்டும்.
இராசஸ்தான் பாலைவனமே இருக்காது.
கங்கை நீர் இமையத்திலிருந்தே வருவதால் வற்றாத ஆறு காவிரி ஆகிவிடும்.
மக்கள் தொகை அதிகம் இருப்பது ஒரு வகையில் நல்லதுதான். நிறைய ஆற்றல் கிட்டும்.

அரட்டை முடிந்து பொற்கோ மீண்டும் பீட்டா பதிப்பினுள் நுழைந்தான் புன்முறுவலோடு.
உங்களுக்கு கையத்துவிட்டு இனியாவும் திட்ட அறிக்கை செயல்பாட்டில் இணைந்தாள்.

இதையெல்லாம் யார் செய்வது என்று எண்ணிக் கொண்டிருக்காமல் இருங்கள்..

பொற்கோ சொன்னகதையினை செயல்படுத்துபவர் நீங்களாகவும் இருக்கலாம்.

கற்க,கற்க

2010-05-26T18:06:00.000+05:30

பாலிண்ரோம் (திருப்பிப் போட்டாலும் அதே சொல், பொருள் வரும்.) என்ற வார்த்தை ஆங்கிலத்திலேயே அதிகம் பயன்படுத்தப்படுகிறது.
இதற்கிணையாக தமிழிலும் வார்த்தைகள் உண்டு.

"விகடகவி"
,"தேரு வருதே".
"சிவா நீ வாசி."

போன்றவை எடுத்துக்காட்டுகளாகும்.
தமிழில் இவற்றைச் சரளமாக அமைக்க ஒற்றெழுத்துக்கள் தடையாக இருக்கின்றன.
தமிழில் ஒற்றெழுத்துடன் கூடிய ஒரே ஒரு பாலிண்ட்ரோம் "கற்க" மட்டுமே.
நன்றாகப் படித்து முன்னேறு என்பதன் பொருள் வருவதால் கற்க இயல்பாகவே பாலிண்ட்ரோமாக இருக்கிறது.

தமிழுக்கும் அமுது என்று பேர்

2010-05-08T11:20:00.000+05:30

தமிழ் தமிழ்
எனக்கூறின்
வரும் அமிழ்து.
எனவே தான் பாரதிதாசன் குறிப்பிட்டார் தமிழுக்கும் அமுது என்று பேர்.

தமிழ் தமிழ் என்று சொல்லுங்கள் அமிழ்து என்று ஒலிக்கும் தமிழ்.

தமிழ் இனி மெல்ல வாழும்.

2010-05-08T11:11:00.000+05:30

இயற்றமிழ்,
இசைத்தமிழ்,
நாடகத் தமிழ்,
அறிவியல் தமிழ்

என தமிழை நான்கு வகைப் படுத்திப் பார்ப்பின்

வெல்லத் தமிழ் இனி மெல்ல வாழும்.
வகைப்படுத்துங்கள்.
தமிழை வாழ வையுங்கள்.

பச்சை

2010-05-08T11:07:00.000+05:30

இக்கரைக்கு அக்கரைப் பச்சை. அக்கறை இருந்தால் எங்கும் பச்சை. அக்கறை உண்டு. இப்போதும் எங்கும் பச்சை.

எழுதிச் செல்லும் விதியின் கை எழுதியெழுதி மேற்செல்லும்.

2010-03-13T10:30:00.000+05:30

நேர்மைப் புரட்சி ஏற்படுங்கால், அச்சுறுத்தும் தன்மை நீங்கி விடும். அரசாட்சி ஏற்படும். அங்கே எல்லோரும் அரசர்கள்தாம். முதல்வரும் பேருந்தில் பயணம் செய்வார் மக்களோடு மக்களாக. தமிழ் பேசுவார். நடுவண் அமைச்சரும் தூய தமிழ் கற்றுக் கொண்டு பேசுவார் எப்பொழுதுமே. நேர்மைப் புரட்சி ஏற்படின் பிணமும் தமிழ் பேசும். அச்சுறுத்தல் தன்மை வேரறும். எழுதிச் செல்லும் விதியின் கை எழுதியெழுதி மேற்செல்லும். கை யாருடையது. கை கடவுளுடையது.

நாயைக் கண்டால் கல்லைக் காணோம், கல்லைக் கண்டால் நாயைக் காணோம்.

2010-03-11T16:33:00.002+05:30

"நாயைக் கண்டால் கல்லைக் காணோம், கல்லைக் கண்டால் நாயைக் காணோம்." என்று ஒரு சொலவடை உண்டு.

விளக்கம்:

"கல்லில் வடிக்கப்பட்டிருந்த நாயின் சிலையினை, நாய் என்று நினைத்துப் பார்த்தால் அது நாய். கல்லென்று நினைத்துப் பார்த்தால் அது கல்." என்பது விளக்கம்.

மறுப்பு:
இதை இக்காலச் சிறார்கள், நாய் வருகின்றது, கல்லை எடுத்தால் அது ஓடிவிடும். ஆகவே நாயைக் கண்டால் கல்லைக், கல்லைக் கண்டால் நாயைக் காணோம் என்பர்.

தவம்:

நாயாக வடிக்கப்பட்ட சிலையே உயிர் கொண்டு எழுந்து குரைக்கும் என்றெண்ணி தவம் செய்தால், அந்தக்கல்லும் நாயாக மாறும் தருணம் வந்தே தீரும் என்பது தவம். அவ்வாறு குரைக்கும் கால் அஃது கல் அன்று; கடவுள்.

அமிபா கதை

2010-03-10T19:34:00.000+05:30

பழந்தாழியிலிருந்து
புதுக்குரல் ஒன்று கேட்டது
"நான் நான்" என்று.

பின்பு அஃதே
"நாம்" என்று எதிரொலித்தது நன்று.

நான்

2010-03-04T20:57:00.000+05:30

அவரைப் பற்றித்தான் பேசுகிறார்களாம் - ஆனால்
அவருக்குத் தெரியவில்லையாம் - அவர்
குழந்தையா?
பிணமா? - இல்லை
அவர் கடவுள்.

நானின் தற்போதைய தருணம்.

2010-03-02T05:38:00.001+05:30

தன்மையுடையவனாயிருந்தும்
முன்னிலையில் விளிக்காமல்
படர்க்கையில் விளிக்கிறார்கள் ப‌லர்.

என் படர் கை பார்ப்பின்
முன்னிற்காமல்
தன்மையடைவர் சிலர்.

தமிழிலக்கணப்படி
"நான்" தன்மையே.
அது படர்க்கையானது பெருவியப்பே.

தன்மையினை படர்க்கையாய்
விளித்தமையால்

தன்மையா?
முன்னிலையா?
படர்க்கையா?
என விழிக்கிறது நான்.

"நாம்" என்பதே "நான்" ஆகிய பிறகு,
நானை, "நாம்" என்று விளிப்பதே தகும்.

கூகுளுக்கு இன்று அகவை பதினொன்று

2009-09-27T07:20:00.002+05:30

எதைத் தட்டினாலும் விடை கிடைக்கும் கூகுள் தேடுபொறிக்கு இன்று அகவை பதினொன்று. 1998 ஆம் ஆண்டு செப்தம்பர் திங்கள் 27 ஆம் நாளில் தான் இது சந்தைக்கு வந்தது. அன்று சில கோடி பக்கங்களை மட்டுமே தன்னகத்தே வைத்திருந்த இது தனது தொடக்க நிலை பொறியாக பென்டியம் 2 கணினியினையும், 512 எம்பி நினைவகத்தையுமே பயன்படுத்தியது.

இன்று கோடிக்கணக்கில் இதன் சேவைக்குழுக்கள் இயங்குகின்றன. இது ஒரு இணைய இயங்குதளமாக விளங்குகிறது. இதன் அடையாளச்சின்னங்களை திறம்பட ஆயத்தம் செய்யும் பள்ளிச்சிறுவர்களுக்கு பரிசிலும் தந்து ஊக்குவிக்கிறது. அதனால்தான் புத்தம்புது சின்னங்கள் அவ்வப்போது மிளிர்கின்றன.

தனது தேடுதுளிநிரல்கள் மூலம் செய்திகள் பெற்று பக்க சேகரிப்பு நிரல்களை கொண்டு கூகுளில் செய்திகள் அன்வயப்படுத்தப்படுகின்றன. முழு இணையத்தின் மூன்று படிகள் கூகுளில் உண்டு.

1. ஒன்று நமக்குக் காண்பிக்கப்படும் குறிப்பிட்ட செய்திகள் கொண்ட தரவுத்தளம். இது தற்காலிகமானது.
2. இரண்டாவது நிலையான செய்திகளிருக்கும் தரவுத்தளம். இதிலிருந்தே தேடப்பட்டு ஒன்றாவதற்கு செய்திகள் தற்காலிகமாக அனுப்பப்படுகின்றன.
3.தேடுதுளிகள் கொண்டு தேடப்பட்ட செய்திகளில் உறுதியாக மாற்றங்கள் அவ்வப்போது நிகழ்ந்த வண்ணமே இருக்கும். ஏனெனில் உரியவர்கள், இணையதள உரிமையாளர்கள் எப்பொழுதும் இணையத்தில் ஏற்கனவே உள்ள தங்கள் செய்திகளை மாற்றம் செய்து கொண்டே இருப்பார்கள் அல்லது மேம்படுத்துவார்கள். அவையெல்லாம் இங்கேதான் ஒருங்கிணைக்கப் படுகின்றன.புத்தம்புது செய்திகள் இணையத்தில் வந்தவுடன் இங்கேதான் வந்தடைகின்றன. ஆக ஒட்டுமொத்த மேம்படுத்தப்பட்டுக் கொண்டிருக்கும் ஒட்டுமொத்த இணையமே இந்த தரவுத்தளத்தில் உண்டு.

மேற்காணும் படம் தேடுதல் முறைமைகளை எளிதில் காட்டுகிறது.

சில திரைப்படத் திறனாய்வுகள்

2009-09-22T04:01:00.010+05:30

நினைத்தாலே இனிக்கும்:

கல்லூரி நட்பு, காதல், பகைமை ஆகியன காட்டும் இக்கால பாடல் நடனங்களுடன் அமைந்த ஒரு படம். புதிதான என்ற செய்தி ஒன்றுமே படத்தில் இல்லாதிருந்தும், நம்மை அமர்ந்து பார்க்க வைப்பது திரைக்கதையும், சில நகைச்சுவைகளுமே. மிகப்பெரிய செய்திகள் இல்லையெனினும், சில நிகழ்வுக்கோர்வைகளே படத்தைத் தாங்கியிருக்கின்றன. விளம்பரம் வேறு அதிகம்.

படத்தில் நம்பமுடியாதது, உடனிருக்கும் நண்பனைக் கொன்று விட்டு, அவன் தான் என்று தெரியாது என்று தலைவன் சொல்வதுதான். இங்கேதான் இயக்குநர் சறுக்கிவிட்டார்.

சில நெருடல்களைத் தவிர்த்து விட்டு வேறு ஏதேனும் புதிய எதிர்பார்ப்புகள் இல்லாமல் பார்த்தால் படம் நன்றாக இருப்பதாகவே தோன்றும்.

சர்வம்:

இதேந்திரனின் இதய கொடையினை பின்னணியாகக் கொண்டு அமைக்கப்பட்ட படம் என்றே எண்ணத் தோன்றுகிறது.
இருப்பினும் இதயக் கொடை என்னும் சாரம் சரிவர அமைவுராமல், திரைக்கதையானது பொதுவாக அமைந்த அடிப்படை இயல்பூக்கங்களான வன்முறை, பழிவாங்கல்கள் என்பவற்றிலேயே சுழல்வது சராசரிக்கு மேல் உள்ள என் போன்ற சுவைஞர்களுக்கு வருத்தமளிப்பதாகவே அமைகிறது.

பிறகென்ன, தந்தையின் பழம்பாடல்களைச் சுட்டு இசையமைக்க மகன், ஒளிஓவியம் தீட்ட, படத்தொகுப்புச் செய்ய இந்தியாவின் உயரிய கலைஞர்கள் பணியாற்றியிருக்கின்றார்கள்.

காதலிக்க நடனமாட தலைவி,ம்ம்.. அவர் மருத்துவராம். நம்பமுடியவில்லை. பழிவாங்க சண்டையிட‌ தலைவன் என செல்கிறது திரைக்கதை. தலைவன் உச்சரிப்பைத் திருத்தி குரலினை உயர்த்தியிருக்க வேண்டும். செய்யவில்லை.

என்னைக் கவர்ந்தவை இசையரசரின் பழைய இழுவைக்கருவி இசையும், ஒளிஓவியமுமே. பானைச் சோற்றுக்குப் பதமான சிலவற்றை அறிய தொடுப்புக்கள் கீழே.

http://pnapenglish.blogspot.com/2009/09/sarvam-tamil-movie-stills-iii.html
http://pnapenglish.blogspot.com/2009/09/sarvam-movie-stills-ii.html
http://pnapenglish.blogspot.com/2009/09/sarvam-tamil-movie-stills.html

விரைவுத் துப்பாக்கி முருகன் (குயிக்கன் முருகன்):

நகைச்சுவை என்ற பெயரில எடுக்கப்பட்டிருக்கும் இப்படம், சில இடங்களில் மட்டுமே சிரிப்பினை வரவழைப்பது சற்று ஏமாற்றமே. அதற்குக்காரணம் இதைவிட நகைச்சுவையான படங்கள் ஏற்கனவே தமிழில் வந்துவிட்டன. வடிவேலுவை விடவா வேறு ஒருவர் இந்நாட்களில் உரையாடல் நகைச்சுவை செய்து விட முடியும்.

ஒரு பாத்திரங்களின் பெயர்கள் மட்டுமே நகைச்சுவை தருவதாக அமைகிறது. அதுவும் சில நேரங்களுக்கு மட்டும்தான். தண்டச்சோறு தின்ன குண்டராமன் என்று சொன்னால் குழந்தைகள் மட்டுமே சிரிப்பார்கள் என்பதை ஊரே அறியுமல்லவா? அது போலத்தான் எல்லா உரையாடல்களும்.

திரைப்படத்தை கிண்டல் செய்து எடுத்த படங்கள் மிகச்சில மட்டுமே வெற்றி பெற்றிருக்கின்றன. அந்த வகையில் திரையரங்கு சென்று பார்க்கும் வகையில் இப்படம் கிடையாது. ஏதேனும் இலவசமாகக் கிடைத்தால் வேண்டுமானல் பார்க்கலாம்.

மதுரை நிகழ்வு: (மதுரைச்சம்பவம்)

பின்னணியில் இருக்கும் தலைவன் முன்னணி ஆக மிகவும் முயற்சி செய்து எடுத்திருக்கும் படம். பயன் வேறென்ன வீண்தான்.

சண்டையிட தலைவன். முத்தமிட, நடனமிட தலைவிகள், இரட்டைப் பொருள் தரும் வார்த்தைகள் பேச துணை நடிகர்கள். இதுதான் மதுரை நிகழ்வு.

படம் தொடங்கி சில நேரத்திற்கெல்லாம் தன்னாலே சிரிப்பு வருவதை அடக்கவே முடியவில்லை. அவ்வளவு சிரிப்பு; அரைகுறையான படத்தைப்பார்த்தால் சிரிப்புத்தானே வரும். மதுரை வழக்கை தலைவன் சரிவரப் பேசியிருந்தால் சிறப்பாயிருந்திருக்கக்கூடும். திறனாய்வில் நிழற்படம் அமைத்தாயிற்று. திறனாய்வு முற்றிற்று.

மாதவி:

ஏதோ ஒரு குழு படமெடுத்துப்பழகிக் கொண்டிருக்கிறது. அடுத்த படம் சிறப்பாக எடுக்க வாழ்த்துக்கள். அடுத்த படம் வேறு எடுக்க வேண்டுமா என்கிறீர்களா? சரி. ஒரு வழியாக மாதவி படத்தை திறனாய்வு செய்தாயிற்று.

ஆறு திரைப்படத் திறனாய்வுக‌ள்

2009-09-13T11:26:00.026+05:30

பொக்கிசம்:

சேரன் எப்பொழுது மற்றவர்களிடமிருந்து வேறுபட நினைப்பவர். வேறுபட்டிருக்கிறார். எனினும் அவரது முந்தைய படங்களில் சாயல் ஒட்டிக்கொண்டுள்ளது இப்பொக்கிசத்தின் இழப்பு.

இணைய உலகம் கோலோச்சும் இக்காலத்தில் கடிதக்கதையா என்று நாம் என்னும் வேளையில் விளக்காய் விரிகிறது 1970களின் எடுத்துக்காட்டு. அச்சூழலைக் கொணர்ந்தது மகிழ்ச்சி. பாடல்களும், ஒளிப்பதிவும் நேர்த்தி.

கப்பற் பொறியாளனாக வரும் சேரன் முகமதியப்பெண்ணை விரும்புகிறார். அக்காலத்தில் கடிதத் தொடர்பு மட்டுமே. பின்னாளில் இருவரும் பிரிகின்றனர். அதற்கு பிறகு அவர் எழுதிய கடிதங்களை அவரது மகன் தனது தந்தையின் காதலியிடம் சேர்க்கும் கதை.

கதையுடைத்தலைவி கண்களை மட்டுமே காட்டி நடித்திருக்கிறார். தொப்புள் நடனம், குத்துப்பாட்டு இல்லாத இப்படம், இந்நாட்களில் ஓடாததில் வியப்பொன்றுமில்லை.

வெற்றி தோல்வி பற்றிக் கவலை கொள்ளாத கலைஞனின் மற்றொரு படைப்பு. சில சறுக்கல்களைத் தவிர்த்து விட்டுப் பார்த்தால் இப்படத்தை ஒரு வெகுமதி எனலாம். காதலுக்கு மட்டுமே முதன்மை தந்து எடுத்திருக்கிறார் சேரன்.

இதைவிடச் சிறப்பான பின்னணி இசையுடன் இது போன்ற காதல் படங்கள் தமிழ்த்திரையில் வந்துவிட்டதால் நமக்குச்சில இடங்களில் கொட்டாவி வருவதைத் தவிர்க்க முடியவில்லை.

வாமனன்:
கதையுடைத்தலைவன் சந்தானம் தான் என்பது குழந்தை கூட சொல்லிவிடும். மற்றபடி, பாட, ஆட, காவல்துறையிடம் மாட்டிக்கொள்ள ஓர் ஆள் தேவை அதற்காக செய் நடித்திருக்கிறார். நடிப்பில் இன்னும் நல்ல தேர்ச்சி தேவை.

கதையுடைத்தலைவி ஊருவசி அல்லது இலக்குமி என்பது என்பது ஊரறிந்த அறிந்த உண்மை. பாட, ஆட செய்யுடன் ஒருத்தி வருகிறாள். என்ன செய்ய பார்த்துத்தான் ஆக வேண்டும்.
ஒரு அரசியல் கொலையில் மாட்டிக்கொண்ட கதையுடைத்தலைவன் எப்படி பிடியிலிருந்து தப்பிக்கிறான் என்பதே கதை என்கிறார்கள். திரைக்கதைத் தொய்வால் எல்லாம் சரிந்து விடுகிறது. ஒளிப்பதிவும்,பின்னணி இசையும் மற்றவற்றைச் சரி செய்து விடுகின்றன.

ஏதோ செய்கிறாய்.., யாரைக்கேட்பது போன்ற பாடல்கள் முணுமுணுக்க வைக்கின்றன. மொத்தத்தில் வாமனன் ஒரு சிறப்பும் இல்லாதவன்.

மலையன்:

கரண் நடித்து அடுத்து வெளிவந்திருக்கும் படம். கதையுடைத்தலைவி அழகில் மட்டுமல்ல நடிப்பிலும் பரிமளிக்கிறார். சிற்றூர் வீரம், காதல், பகைமை, அன்புடைமை ஆகியவற்றைக் காட்டும் மற்றொரு படம். தலைவன் தலைவி மோதல் பின்பு காதல் என‌ ஏற்கனவே பழக்கப்பட்ட காட்சிகளிலிருப்பினும் நகைச்சுவை அதைச் சிறிதே மறைத்து விடுகிறது.

கதையுடைத்தலைவனின் நடிப்பு ஏற்கனவே சில படங்களில் அவர் நடித்ததின் கலவையே. பதினேழு முடிந்து பதினெட்டுத் தொடங்கிய கதையுடைத்தலைவியின் நடிப்பு மெச்சும் வகையில் உள்ளது.

"தெரிஞ்சாச் சொல்லுங்க..." பாடல் அருமை. மற்றபடி பின்னணி இசை சராசரியே. மொத்தத்தில் மலையன் ஒரு சராசரிச் சிற்றூர்க்கதை என நினைக்கும் நேரத்தில் தலைவி இறக்கிறார். இயக்குநர் நிமிர்ந்து நிற்கிறார். கூடவே நாமும்தாம்.

தலைவியின் இறப்பு தமிழ்த் திரையுலகில் புதிது. தலைவியின் இறப்பு என்ற மரபு மீறல்தான் நிமிர்வுக்குக் காரணம். தவிர, ஒரு தலைவி இறந்தால் மற்றொருத்தி என்ற வகையில் இருக்கும். நாம் நினைத்தது போன்றே மற்றொரு தலைவியும் வருகின்றாள்.

பிறகு எதிர்கூட்டத் தலைவனைக் கண்டறிந்து அவனக்கு தனது முதலாளியே துணை என்பதை அறிகிறான் தலைவன். எதிரிகளைப் பந்தாடி இறுதியில் வெல்கிறான் தலைவன். சிவகாசி பட்டாசுத் தொழிற்சாலை, அதன் பின்னணியில் வெடிமருந்து தவறாகக் கடத்தப்படுதல் என்பதன் அடிப்படையில் கதை பின்னப்பட்டிருப்பது புதிது. மலையன் பழிவாங்குதலின் மற்றொரு கட்டம்.

காதல் கதை:

திரைப்படம் தொடங்கி சில மணித்துளிகளுக்கு இசை மட்டுமே பேசுகிறது. பிறகு இயக்குநர் பேசிக்கொண்டே இருக்கிறார். திரைக்கதை சரியான விரிவுரை. பேசாமல் ஒரு நேர்காணலில் தனது கருத்துக்களைக் கொட்டியிருக்கலாம் இயக்குநர். இதற்காக இப்படியொரு படமெடுக்க வேண்டுமா?

சிற்சில இடங்களில் இயல்பான தமிழ் உரையாடல்கள் காதை வருடுகின்றன. மற்றபடி எல்லாம் பழகிய காட்சிகள்தாம்.

பெண்களை இழிவு படுத்தக்கூடாது என்பதற்காக பெண்களை இழிவுபடுத்தும் காட்சிகளா! என்னே கொடுமை!! படவெளியீட்டினைத் தணிக்கைக் குழு தள்ளிப்போட்டதற்கு இதுதான் காரணம் போலும்.

இவ்வளவு முரண்பாடுகள் இருப்பினும் படத்தை நம்மைப் பொறுமையாகப் பார்க்க வைப்பது படத்தின் பின்னணி இசை மட்டுமே என்பதில் துளியும் ஐயமில்லை.

பெருமாள்:

வன்முறைக்காட்சிகள், சிலபாடல்கள், நகைச்சுவைகள் நிறைந்த கதையுடைத்தலைவனின் அடுத்த படம். இரண்டு தலைவிகள். பிறகென்ன ஆட்டம்,பாட்டம் கொண்டாட்டம்தான். உருப்படியான செய்தி ஏதாவது உலகுக்கு? ஒன்றுமேயில்லை. படத்தில் உருப்படியான ஒரே ஒரு கலை ஒளிஓவியமே. வேறொன்றும் மெச்சத்தக்கதாக இல்லை. நேரம் வீண்.

படம் தொடங்கி ப‌ல நேரங்களுக்கு தேவையற்ற காட்சிகள் இப்பொழுதெல்லாம் வருவது தமிழ்த்திரையுலகில் பொதுவாகிவிட்டது. கதை தொடங்கவே சில நேரம் பிடிப்பது ஏன் என்றே புரியவில்லை. இதைப்படிக்கும் இயக்குநர்கள் இனிமேலாவது கதை நகராக் காட்சிகளை விடுத்து நல்ல காட்சிகளைப் பிடிக்கக் கேட்டுக்கொள்கிறோம்.

மலை மலை:

இயக்குனருக்கு இது அடுத்த படம். பாசமான அண்ணன் தம்பி, பழிவாங்கல்கள், நடனம் மட்டுமே ஆடத்தெரிந்த‌ கதையுடைத்தலைவி என‌ எல்லாமே பழையவை. தலைவனின் அண்ணனும், எதிரி தலைவனும் பள்ளி நண்பர்கள் என்பது புதிது என்று படத்தில் அவர்களே சொல்லிக் கொள்கிறார்கள்.

பொதுவான நிகழ்வுக்கோர்வைகளை நகைச்சுவை புகுத்தி வணிக நோக்குடன் எடுத்திருக்கும் படத்தில் வேறு சுவைகளை எதிர்பார்ப்பது நம் தவறுதான்.
இறப்பதை மறைத்து திருமணம் செய்வது ஏற்கனவே செந்தூரப்பாண்டி, ஆகா போன்ற படங்களில் வந்துவிட்டதால் உச்சகாட்சியினையும் சுவைக்க முடியவில்லை. அடுத்து நடப்பது என்ன என்பது முன்கூட்டியே தெரிவதால் எல்லாம் ஏமாற்றமே. நகைச்சுவையும் சற்றுதான் கைகொடுத்திருக்கிறது.

திகம்பர சாமியார் 1950 - அரிய செய்தி தமிழில் முதன்முறையாக‌

2009-09-08T04:48:00.005+05:30

1950ல் வெளிவந்த திகம்பர சாமியார் என்னும் இப்படத்தில் எம்.என்.நம்பியார் ஒன்பது தோற்றங்களில் வந்திருக்கிறார். இது வி.சி.கணேசன் ஒன்பது தோற்றங்களில் நடித்து வெளிவந்த நவராத்திரி திரைப்படத்திற்கு முன்பே வந்தபடம்.

அரிதான இப்படம் இப்பொழுது எங்கும் காணக்கிடைக்காதது பெருவியப்பே. இப்படம் அந்நாட்களில் பெரும் பெயர் பெற்றிருக்கிறது.

இணையத்திலும் கூட காணக்கிடைக்காத இதைப்பற்றி அண்மையில் நடிகை மனோரமா கூறுகையில்தான் சில செய்திகள் தெரியவந்தன.

எழுத்தாளர் இராண்டார் கை இந்து நாளிதழில் இதைப்பற்றி எழுதியிருந்த கட்டுரை தேடுபொறி உதவியுடன் சிக்கியது. அதைத்தழுவி எழுதப்பட்டதே இக்கட்டுரை. அதைத்தவிர பிற செய்திகளையும் எடுத்தாண்டிருக்கிறேன்.

இந்தப்படம் வெளிவந்த ஆண்டில் (1950) 13 படங்கள் மட்டுமே வெளிவந்துள்ளன. வடுவூர் துரைசாமி ஐயங்கார் எழுதிய புதினம் இது அக்காலத்தில் மிகவும் புகழ்பெற்ற துப்பறியும் கதையாகும்.

இப்பொழுது பலராலும் பார்க்க விரும்பும் ஒருபடமாக இது விளங்கினாலும், அரிதான இப்படம் இப்பொழுது எங்குமே கிடைக்கவில்லை. யாரிடமாவது இருப்பின் மின்மடலனுப்பவும்.

தமிழில் வெளிவந்த இப்படத்தினைப் பற்றி செய்திகள் அனைத்து இணையத்தில் ஆங்கிலத்தில் கிடைப்பது அடுத்து எழும் விந்தை.

இதில் ஒரு நம்பியார் மட்டுமே வந்தாலும் அவர் வெவ்வேறு தோற்றங்களில் வந்து கடத்தப்பட்ட கதையுடைத்தலைவியினை தேடுவார். அண்மையில் இதைப்பற்றிப் பேசிய மனோரமா இதில் நம்பியார் 15 தோற்றங்களில் வந்திருக்கிறார் என்ற செய்தினைச் சொல்லியிருக்கிறார்.

மார்டன் தியேட்டர்சில் எடுக்கப்பட்ட இப்படம் கும்பகோணம், தஞ்சாவூர்,மன்னார்குடி ஆகிய இடங்களை அடிப்படையாகக் கொண்டது. இதில் நம்பியார் காவல்துறை மறைவு உளவாளியாக வருவார் என்பது குறிப்பிடத்தக்கது.

சென்னை பொதிகைத் தொலைக்காட்சியில் மட்டுமே உள்ள இத்திரைப்படம் எப்பொழுதாவது ஒளிபரப்புச் செய்யப்படும். பழங்காலத்தில் வந்த படமாதலால் சிலர் இதில் நம்பியார் பதினொரு தோற்றங்களில் வந்திருக்கிறார் என்றும் புதுச்செய்தி சொல்லிவருகின்றனர் இக்காலத் தலைமுறையினருக்கு.

மனோரமா அக்கால நடிகை என்பதால் அவர் சொல்வதை மட்டும் வைத்துப்பார்த்தால் எம்.என்.நம்பியார் 15 தோற்றங்களில் வந்தார் என்பதை நம்பலாம்.

பல தோற்றங்களில் வந்தாலும், இத்தோற்றங்கள் பெரிதும் பெயர் பெற்றவையாம்.
காதுகேளாத சித்துவேலை செய்பவன், அரபுநாட்டு வணிகன், தொழிலதிபன், நாதசுர கலைஞன், நிலமுள்ள பெருஞ்செல்வந்தன், அஞ்சல்காரன்.

குமாரி கமலா நடமாடும் புகழ்பெற்ற "நாதர்முடி மேலிருக்கும் நல்ல பாம்பே..." பாடல் இப்படத்தில் இடம்பெற்றதே. அந்நாளைய வடமொழிப்பாடல்களிலிருந்து மூன்று பாடல்கள் சுடப்பட்டு இதில் அமைக்கப்பட்டிருக்கின்றன என்பது துணைச்செய்தி.

இராமநாதன், சுப்பையா நாயுடு இசையமைத்துள்ள இப்படத்தில் நடித்த இன்னபிற கலைஞர்கள்:

எம்.சி.சக்கரபாணி, ஏ.கருணாநிதி, சி.கே.சரசுவதி,லட்சுமி பிரபா, டி.பாலசுப்ரமண்யம், தனலட்சுமி, டி.கே.இராமசந்திரன், ஏழுமலை.

இப்படத்தை இக்காலத்தலைமுறையினர் வெகுசிலரே பார்த்திருக்கின்றனர். பார்த்தவர்களும் எத்தனை தோற்றம் என்று சரிவர கூறவில்லை. T.R.சுந்தரம் இயக்கிய இப்படத்தினை, நான் நம்பியாரின் தோற்றங்களை எண்ணும் வண்ணம் பார்க்க விரும்புகிறேன். 15 தோற்றங்கள் எனில் அதுதான் உலக சாதனை. உலகநாயகன் செய்தது அல்ல.

ஃபனா வடமொழிப்படத் திறனாய்வு

2009-09-08T04:26:00.004+05:30

இந்த வடமொழிப்படம் ஒரு அச்சுறுத்தற்காரனின் காதல், பாச குடும்ப‌ உணர்வுகளை வெளிப்படுத்துவதாக உணர்த்துகிறது.

சில காட்சிகளில் மட்டும் கண் தெரியாத காதலியாக வரும் தலைவியை இவ்வளவு அழகாகக் காட்டுகிறார்கள். கண் தெரியாத பெண்கள் இயல்பில் இவ்வளவு அழகாக இருப்பதில்லை என்ற உணர்வு நம்முள் திரைப்பட உணர்வினை ஊட்டிவிடுகிறது.

தலைவன் தலைவி பிரிவு, உள்ளக்கசப்புக்கள், பிறகு இணைவு என்ற கட்டுக்குள்ளேயே படம் இயங்குகிறது.நல்லது. தேவையற்ற குத்துப்பாடல்கள் இல்லை. இசை காதை வருடுகிறது. பின்னணி இசையும் அருமை.

அச்சுறுத்தற்காரனாக வந்த போதும் தன் காதலியினை சுடமுடியாமல் தவிக்கும் தவிப்பு, அவளது கையாலேயே இறக்கும் உச்சகாட்சி ஆகியவைகளில் தலைவன் மதிப்பெண் பெற்றுவிடுகிறார்.

தலைவனைச் சிறு தொடு உணர்வு மூலம் அறிந்தாலும் அதைக்காட்டாமல் இருந்து தவிப்பது, மகனுக்கு பழைய கதைகள் தெரியாமல் வளர்ப்பது சரியாகச் செய்திருக்கிறாள் தலைவி.

குறிப்பிட்ட சில பாத்திரங்களுக்குள்ளேயே நிகழும் கதை ஒரு நல்ல படம் பார்த்த உணர்வை ஏற்படுத்துகிறது என்பதில் ஐயமில்லை.

சில திரைப்படத் திறனாய்வுகள்

2009-09-05T21:11:00.016+05:30

இக்கட்டுரையில் சில திங்கட்களுக்கு முன் வந்த சில திரைப்படங்களைப் பற்றிக்காணலாம்.

முத்திரை:

இரண்டு திருடர்கள்தாம் படத்தின் தலைவர்கள். ஒரு தலைவி ஆட்டக்காரி. இன்னொரு தலைவி உயர்தரக் கல்லூரி மாணவி. பிறகென்ன திருட்டுக்கள், துரத்தல்கள் என படம் சூடு பிடிக்கிறது. 1993ல் வந்த திருடா திருடாவைத்தான் துப்புரவாக்கியிருக்கிறார்கள்.

ஒட்டாக அரசியல் கலவை வேறு. படத்தின் முதன்மை அணிகள் இசையும்,ஒளிப்பதிவும் தாம். இசையமைப்பாளரும், ஒளிக்கருவியாளரும் நன்றாகச் செய்திருக்கிறார்கள். தலைவிகள் நன்றாக ஆடுகிறார்கள். மற்றபடி நடிப்பு கேள்விக்குறிதான்.

படத்திற்கு ஏன் இப்படித் தலைப்பு வைத்தார்களோ தெரியவில்லை.

வக்ரம்:

வடமொழியிலிருந்து ஒலிமாற்று செய்யப்பட்டு தமிழுக்கு வந்திருக்கும் இப்படம் இசை மூலமும் காட்சிகள் மூலமும் ஓரளவு சுவைஞர்களுக்கு அச்சம் தருவது உண்மைதான்.

படத்தில் கலைஞர்கள் பேசுவதைவிட பின்னணி இசையும், ஒளிப்பதிவுக்கருவியும் பேசுவதுதான் அதிகம்.

எல்லாம் சரிதான். என்னதான் சொல்ல வருகின்றார்கள் என்று பார்த்தால்....
தனிக்காட்டில் ஒரே ஒரு வீடு. அதில் தலைவி தன் இரண்டு குழந்தைகள், ஒரு தம்பியுடன் வசிக்கிறார். கணவனான தலைவனுடன் பூசல். அவன் அவளுடன் வசிக்கவில்லை.ஒரு ஊர்தி மட்டுமே ஒரு நேரத்தில் செல்லக்கூடிய குறுகலான பாலம் மூலமே வீட்டிற்குச் செல்ல முடியும்.

எதிர்பாராத அச்சங்கள் தலைவிக்கு மட்டும் அவ்வீட்டில் நிகழ்கின்றன.மற்றெல்லோரும் நன்றாக இருக்கிறார்கள்.

தானாகவே வந்து ஒரு கிழவி கொடுக்கும் திருமொழி வில்லையை வேறொருவருக்கு விற்று பணமாக்கி விடுகிறாள் தலைவி. சற்று நேரத்திற்கெல்லாம், அக்கிழவி ஒரு காட்டில் இறந்துகிடப்பதைப் பார்த்து அச்சுறுகிறாள் தலைவி. யாரோ (ஆவி) வந்து தன்னை வன்புணர்ந்ததாக தோழியிடம் கூற, அவள் கூறும் மருத்துவரை அணுகுகிறாள் தலைவி.

மருத்துவர் தலைவிக்கு இரட்டை ஆளுமை நோய் இருக்கிறது என்று கூறுகிறார். அதை தலைவி நம்ப மறுக்கிறாள்.

ஒருநாள் அந்தத்திருமொழி வில்லையை வாங்கியபெண் அதைத்திரும்ப தலைவியிடம் கொடுத்து விடுகிறாள். அவள் ஒரு திபெத்திய கிழவியால் துன்புறுத்தப்பட்டதாகவும், அக்கிழவி வந்து அவ்வில்லையைத் திரும்பக் கொடுக்க வேண்டுமென்று சொன்னதாகவும் தலைவியிடம் சொல்கிறாள்.

பிறகு வில்லையை எடுத்துக்கொள்ள ஆவி அவளை விடுத்து அவளது பிள்ளைகளுக்குத் தொல்லை கொடுக்கிறது. பிறகு எப்படி தலைவி தன் குழந்தைகளை மீட்கிறாள் என்பதே கதை. ஒலியுடனும், ஒளியுடனும் அச்சுற விரும்பினால் படம் பார்க்கலாம். மற்றபடி பாடல்கள் இல்லாதது ஒரு குறை. காதில் பூ சுற்றும் இக்கதை ஆமை விரைவில் செல்வது மற்றொரு குறை.

ஊர்தி தானாக ஓடுதல், கட்டில் தானாக அசைதல், ஆவி வன்புணர்ச்சி என பற்பல காட்சிகள் படத்தில். கணினி வரைகலைக்கு நன்றி.

மோதி விளையாடு:

உயரிய நிறுவனங்களின் பின்னணியில் நடக்கும் க‌தை தமிழுக்கு புதிதே. அதை எடுத்த விதமும் கூட சராசரிக்கு சற்றே மேல் எனலாம். ஆனால் அதற்குரிய கலைஞர்கள் சரிவர தேர்வு செய்யப்படவில்லை.

எடுத்துக்காட்டாக வெளிநாடு வாழ் இந்தியராக கலாபவன் மணி; தாங்கமுடியவில்லை. விரைவாகச் செல்ல வேண்டிய காட்சிகளில் சந்தானம் நுழைந்து சிரிப்பு மூட்டிவிடுகிறார். கன்னடம் தோய்ந்த தமிழில் பேசுகிறார் படத்தின் தலைவர்.

இசை நல்ல வகை. பின்னணி இசையிலும் அருமையாக புத்திசையமைப்பாளர்கள் வலம் வருகிறார்கள். இது பற்றி தனியாகவே திறனாயலாம்.

வைரமுத்து வரிகளில் "புலி பாலுத்தி டீப்போடடா..." சுவைபட இருக்கிறது.

வேறென்ன இயக்குனர் சுவைஞர்களோடு மோதிவிளையாடுகிறார்.

அச்சமுண்டு அச்சமுண்டு:

திரைக்கதையின் போக்கில் குழந்தைக்குக் கூட அச்சமுள்ள காட்சி ஒன்றுமில்லை. ஏதோ ஒரு ஆங்கிலப்படத்தின் தழுவல் என்று அப்பட்டமாகத் தெரிகிறது.

நல்ல திறமையான கலைஞர்களை வைத்துக்கொண்டு இதுபோன்ற ஒரு படம் என்று நினைக்கும் பொழுது இன்னும் ஏதேனும் படக்குழுவினர் மெனக்கெட்டிருக்கலாம் என்றே தோன்றுகிறது.

அயல் நாட்டினை சராசரியாக படமெடுத்திருக்கிறது ஒளிப்பதிவுக்கருவி. பாடல்கள் அரிதான இலங்கை வானொலியில் மட்டுமே ஒலிக்க நேரலாம்.

இந்த குறைந்த முதலீட்டுப்படத்தில் அச்சமேயில்லை.

ஐந்தாம்படை:

ஒரு வேறுபாட்டிற்காக கதையினைப்பற்றித் திறனாயாமல் தொழிற்நுட்பங்களைப் பற்றி திறனாய விழைகிறேன். ஏனெனில் கதை என்ற ஒன்று சரிவர கையாளப்படவில்லை. இருந்தாலும் மருத்துக்கென்று கதையையும் தொட்டுக்கொள்கிறேன்.

தலைவனுக்கும் தலைவிக்கும் நடக்கும் உறவுப்போராட்டமே இந்த ஐந்தாம்படை. ஒற்றன் என்ற சொல்லுக்கு பெண்பால் தெரிந்தவர்கள் சொல்லுங்கள். இங்கே ஒற்றன் இல்லை. பெண் ஒற்றர் இருக்கிறார். அவர்தான் கதையுடைத்தலைவி. அவர் தலைவனின் திட்டங்களை எதிரிகளுக்குச் சொல்ல அதை தலைவன் தெரிந்து முறியடிப்பதே கதை.

வேறு புதிய நுட்பங்கள் எதுவும் கையாளப்படவில்லை. சில இடங்களில் கற்றுக்குட்டி கணினி வல்லுநர்களின் வரைகலை வெறுமையாய் வருகிறது.

கதையுடைத்தலைவன் நடித்த அடுத்தபடம். திரைக்கதையில் இன்னும் கொஞ்சம் கருத்தினைச் செலுத்தியிருக்கலாம். நகைச்சுவை நடிகரே பல இடங்களில் கோலோச்சுகிறார்.

கதை திருநெல்வேலியில் நடக்கிறதாம்.குறித்த நகைச்சுவைக்கலைஞர் தவிர வேறுமுன்னணி கலைஞர்கள் யாரும் அந்த வட்டார வழக்கு பேசவில்லை.

இசை,ஒளிப்பதிவு எல்லாம் ஏனோ தானோ. உச்சக்காட்சியில் சற்றே நிமிர்ந்து உட்கார வைக்கிறார்கள். ஏதேனும் புதிது என்று பார்த்தால், அதே நகைச்சுவை வர வணக்கம் வருகிறது.

இயக்குனர் சுந்தர்.சி, நடிகர் சரத்குமார் இடத்தை தமிழ் திரையுலகில் பிடித்துவிட்டதாக திரைவிரும்பிகள் கூறுகிறார்கள்.

வெடிகுண்டு முருகேசன்:

"தப தப" வென்று பேசும் பாத்திரம் தலைவனுக்கு. அவரும் பேசிக்கொண்டே இருக்கிறார். நடனத்தில் நல்ல தேர்ச்சி. தலைவி வருகிறார், அழுகிறார், சிரிக்கிறார். நடிப்பு இப்போதுதான் கற்றுக்கொண்டிருக்கிறார்.

எந்தப் புதிய‌ தொழிற்நுட்பமும், கதை சொல்லும் விதமும் இல்லாத மற்றொரு படம். இயக்குனருக்கு இது இன்னொரு படமாம்.

பெண் நடுவராக வந்து பசுபதியைக் காப்பாற்றும் செய்திவாசிப்பாளர் நிர்மலா பெரியசாமி சிற்சில காட்சிகளில் வந்து போகிறார்.

சராசரிக்கும் சற்றுக் கீழான ஒளிப்பதிவு கருவிக் கோணங்களில் ஒரே ஆறுதல் மூன்றே பாடல்கள் மட்டும்தாம்.

"நீண்ட தூரம் போகும் பாதை..."
"சாரலே சாரலே...."
முணுமுணுக்கும் வகை. நீண்ட இடைவெளிக்குப்பின் K.J.Yesudas தமிழில் பாடியிருக்கிறார்.

பார்த்திபன் இடத்தை பசுபதி பிடித்து விட்டதாக அவர் வடிவேலுவிடம் பேசும் உரையாடல்களை வைத்துச் சொல்கின்றனர் திரைவிரும்பிகள்.

இன்னா செய்தாரை குறள்படி ஒறுத்தல் இந்நாட்களில் இயலுமா????

2009-08-03T05:33:00.004+05:30

"இன்னாசெய் தாரை ஒறுத்தல் அவர்நாண
நன்னயஞ் செய்து விடல்."
அருமையான குறள். கி.முவிலேயே திருவள்ளுவரால் இயற்றப்பட்டது.

இதற்கொப்ப வாழ்ந்தவர் என்று சொன்னால் இயேசு பெருமானை மட்டுமே சொல்ல இயலும். தன்னைச் சிலுவையில் அறைந்தவர்களுக்காக ஆண்டவரிடம் இறைஞ்சியவர் அந்த மாபெருமான்.

பின்னாளில் வந்தவர்கள், நமது நாட்டுத்தந்தையினைச் எடுத்துக்காட்டாகச் சுட்டுகையில், "உண்மையுடன் தமக்கு நேர்ந்த தேர்வுகளை நூலில் மறைக்காமல் எழுதியுள்ள ஒரே தலைவர். "என்றே இன்றும் பறைசாற்றிவருகின்றார்கள்.

அவரும் ஓரளவு எதிரிகளை ஒறுத்துவிட்டார் என்றே தோன்றுகிறது. அறப்போர் முறையில் விடுதலை பெற்றுத்தந்தவர் தமக்கென ஒரு சமயத்தைத் தோன்றுவிக்காதது பேராறுதல்.

அதையெல்லாம் விடுங்கள். இன்னா செய்தாரை குறள் படி ஒறுப்பவரின் (யாராவது உள்ளனரா?) இன்றைய உடனடி நிலை என்ன‌ என்பது எல்லோருக்கும் தெரியும். பின்னாளைய நிலையினை வரலாறுதான் கூறவேண்டும்.

உவத்தல் என்றால் கெட்ட வார்த்தையா?

2009-08-03T04:45:00.004+05:30

கெட்ட வார்த்தைகள் பொதுவாக இரண்டு தளங்களில் பயன்படுத்தப்படுகின்றன. ஒன்று சினம், வெறுப்பு, மனக்கசப்பு. இரண்டாவது, கிண்டல், விளையாட்டு, நகைச்சுவை. ஆனால் கெட்டவார்த்தைகள் பேசுதல் குமுகாயத்தில் ஒரு எதிர்மறை விளைவாகவே கருதப்படுகின்றன.
பற்பல கெட்டவார்த்தைகள் புழக்கத்தில் இருப்பினும், அவை தொன்று தொட்டு பொதுவார்த்தைகளாகப் பயன்படுத்தப்பட்டு,காலம் மாறமாற கெட்ட வார்த்தைகளாக மாறிவிட்டன‌.

இவைகள் எல்லாம் வழக்கின் திரிபே. பொதுவாக மொழியில் இயல்பாகவே கெட்ட வார்த்தையாக இருப்பவை எவையுமில்லை என்றே சான்றோர்கள் கூறுகின்றார்கள்.

உவத்தல் என்றால் மகிழ்தல் என்று தமிழில் பொருள். உவகை என்றால் மகிழ்ச்சி என்று தமிழ் வழிக்கற்றலில் வரும் மக்கள் நன்கு உணர்வர். "உ" வுக்கு ஒலியில் வரும் இணை "ஒ" என்ற எழுத்தாகும்.எனவே அதுவே திரிந்து ஒவத்தல் என்றானது.

"உன்னை", "உனக்கு" என்பவைகள் "ஒன்னை", "ஒனக்கு" என்று மாறியிருப்பது ஒலியின் திரிபே என்பதை சொல்ல சொல்லாராய்ச்சியாளர்கள் தேவையில்லை.

"உவத்தல்"தான் சென்னை வழக்கில் "...த்தா.."என்றாகி எழுத்து வடிவம் பெறாமல் ஒலி வடிவோடு நின்று விட்டது இக்கட்டுரையில்.

பார்த்தீர்களா.. மகிழ்தல் என்னும் வார்த்தை எவ்வள்ளவு இழிவாக ஒலிக்கிறது.!!! இதுபோலத்தான் கெட்டவார்த்தைகள் உருவாகின்றன. வரம்பு மீறிய பாலுறவுகளை வெளிப்படுத்தும் சொற்களும்,கெட்ட வார்த்தைகளாக மாறிவிட்டன.

"தக்காளி"க்கு எதுகைச்சொல் எது என்றால் எல்லாருக்கும் தெரியும். தெருவிலிருந்து திரைவரை இச்சொற்கள் விரவிக்கிடக்கின்றன.

இது போன்றகெட்ட வார்த்தைகள் பற்றி செயமோகன் எழுதிய கட்டுரையினைப் படிக்க இங்கே சொடுக்கவும்.

"கெட்ட வார்த்தைகள் தவிர்த்து நல்ல வார்த்தைகளை நாடோறும் பேசிவர அகமும் புறமும் தூய்மையாகும்." என்பதை உள்ளத்துப்பள்ளத்தில் நினைக்க வேண்டும் என்பது எனது தாழ்மையான அறிவுரை.

குனியக்குனிய குட்டுபவன் முட்டாளே....

2009-07-20T04:12:00.005+05:30

திருக்குறளின் கூறப்படாத மேலாண்மைக் கருத்துக்களே இல்லையெனலாம். அவ்வகையில் மேலாண்மைக்கும், அரசியலுக்கும், நடைவாழ்வுக்கும் பொருந்திவர அமையும் ஒரு குறளினை இக்கட்டுரையில் பார்க்கலாம்.

"குனியக் குனிய குட்டுபவன் முட்டாள்" என்பதை அறியாதவர்களே புது அரசியலர்கள். பொதுவாக இது போன்ற குட்டுவாங்கும் அப்பாவிகள் மிகவும் வலிமை மிக்கவர்கள். இவர்களைக் குட்டுவதால் குட்டுபவர்களின் வலிமை குறைந்துவிடுகிறது. மேலும் இது போன்று தொடர்ந்து குட்டுபவர்களை அவர்களை விட மேலிருப்பவர்கள் பகடைக் காய்களாக்கி விடுகிறார்கள்.

இதுபோன்று குட்டுபவர்கள் ஒரு காலத்தில் அது தவிர வேறு வேலை அற்றவர்களாகி விடுகிறார்கள். குட்டு வாங்குபவர்கள் வலிமை மிக்கவர்களாக மாறிவிடுகின்றர்கள். இது ஒரு எளிய மேலாண்மை கருத்தே. இதை சரிவரப் புரியாதவர்கள் நல்ல அரசியலர்களாக இருக்க இயலாது.

இந்த எளிய மேலாண்மைக் கருத்து திருக்குறளில் அருமையாகக் கூறப்பட்டுள்ளது. இஃதினை நன்றாகக் கையாளத் தெரிந்த அரசியலர் தன் தொகுதியில் இதுவரை தேர்தலில் நின்று தோற்றிடாத கலைஞரே....

இதோ குறள்
"வலியார்முன் தன்னை நினைக்கதான் தன்னின்

மெலியார்மேல் செல்லு மிடத்து."

கலைஞர் உரை:
தன்னைவிட மெலிந்தவர்களைத் துன்புறுத்த நினைக்கும் போது, தன்னைவிட வலியவர் முன்னால் அஞ்சி நிற்கும் நிலைமை தனக்கு இருப்பதை மறந்துவிடக் கூடாது.

மு.வ உரை:
(அருள் இல்லாதவன் ) தன்னை விட மெலிந்தவர் மேல் துன்புறுத்த செல்லும் போது, தன்னை விட வலியவரின் முன் தான் அஞ்சி நிற்கும் நிலைமையை நினைக்க வேண்டும்.

சாலமன் பாப்பையா உரை:
அருள் இல்லாதவள், தன்னைவிட எளிய மனிதரைத் துன்புறுத்தச் செல்லும்போது, தன்னைவிட பலசாலி தன்னைத் துன்புறுத்த வந்தால் அவருக்கு முன் தான் அஞ்சி நிற்பதாக எண்ணிப் பார்க்க.

இலங்கை ஈழச்சிக்கலுக்கான இறுதித்தீர்வு ஒரு வினாக்குறியே

2009-07-07T10:08:00.000+05:30

சென்ற பதிவில் எழுதியிருந்தது போல தனிநாடு தேவையில்லை என்பதே எனது தாழ்மையான கருத்து. அதற்கு, வில்லங்கத்தார் தனக்கேயுரிய வழியில் மறுமொழிதெரிவித்திருந்தார். நண்பர் செயபால் சற்று மேலே ஒருபடி போய் எனக்கு ஒரு கோப்பினை அனுப்பியிருந்தார்.

அதில் கடந்த முப்பதாண்டுகளில் இலங்கையில் தமிழர்கள் பட்ட துன்பங்கள் பற்றி ஆங்கிலத்தில் செய்திகளிருந்தன. அவைகளெல்லாம் தமிழன் தனிநாடு கேட்டமையால்ஏற்பட்டவையாகும்.

கோப்பினை அனுப்பிய அவர் நீங்கள் புரிந்து கொள்ளாவிட்டாலும் பரவாயில்லை என்று எழுதியதிலிருந்து அவரது பெருந்தன்மை புரிந்தது.

இலங்கை ஈழம் என்றெல்லாம் பேசியவர்கள் எங்கே போனார்கள்?

இலங்கை ஈழச்சிக்கலுக்குத்தீர்வு என்று பேசிய விடுதலைப்புலிகளின் தலைவர் இன்று இல்லை. இன்று இதைப்பற்றி எந்தத்தலைவரும் பேசவில்லை. எந்தத்தொலைக்காட்சியும் இதை முன்வைக்கவில்லை. அதைத்தான் நான் சற்றே சென்ற பதிவில் தொப்புள் நடனம் என்று சாடியிருந்தேன்.

கலைஞர்? ஏதோ ஒரு பேரரசர் தன் பின்னால் வருபவர்களுக்கு தன்னரசினை வாரி வழங்குவது போல் மூத்தபிள்ளைக்கு[1] மதுரை. இளையபிள்ளைக்கு[2]ச் சென்னை.ஆசைத்தலைவி பெற்ற பெண்பிள்ளை[3]க்கு பாரளுமன்றம் என்று பிரித்துக் கொடுத்துக்கொண்டிருக்கிறார்.

தேர்தலுக்குப்பிறகு இலங்கைச் சிக்கலைப்பற்றி பேச்சே எடுக்கவில்லை. தனது உடலைத்தேற்றிக்கொள்வதிலும், புதிய திரைப்படத்திற்கு[4] உரையாடல் எழுதுவதிலேயும்கண்ணுங்கருத்துமாயிருக்கிறார்.

கலாநிதி தயாநிதி? அயன் வெற்றி பெற்றுவிட்டதாம்; மாசிலாமணி தயாரித்திருக்கிறார்களாம். சுனைனாவின் தொப்புளை ஒலியுடனும், ஒளியுடனும் உலகெங்கும் பரப்பிகாசு பார்த்துக்கொண்டிருக்கிறார்கள். இலங்கைச்சிக்கல்...? அதற்கு மக்கள் அடுத்த தேர்தல் வரை காத்திருக்க வேண்டியதுதான்.

இதைப்பற்றி வரும் இடுகைகளும் குறைந்து விட்டன. நாளிதழ் வாரஇதழ்களுக்கு “பசங்க”, “நாடோடிகள்” செய்திகள் கிடைத்து விட்டன.

திரையில் தொப்புளில் பம்பரம் சுற்றியவரும்[5], இன்னபிற இருந்திருந்தாற்போன்ற அரசியலர்களும்[6], செத்தபாம்பாய்ப் போனார்கள். அவர்களுக்கு தேர்தல்கட்டணத்தொகையே திரும்பக்கிடைக்கவில்லை. பிறகென்ன செய்வார்கள்?

அம்மையார்? எதைப்பற்றியும் கவலையில்லாமல் ஓய்வெடுத்துக்கொண்டிருக்கிறார். தேர்தலுக்குப்பிறகு இச்சிக்கலில் இதுவரை அறிக்கை ஏதும் விடாமல் இருக்கிறார்.

விடுதலைப்புலிகளின் தலைவருக்கு மட்டும் எங்கிருந்து அவ்வளவு பணம் வந்ததென்றே புரியவில்லை. எல்லாத்தமிழனும் அழுது புலம்பி வந்த வேளையில், அவர் மட்டும்நீர்மூழ்கிக்கப்பலில் பதுங்கியிருத்தல், தன்மகனை அயல்நாட்டிற்கனுப்பி வானூர்தி பொறியியல்[7] படிக்கவைத்தல்,போன்றவைகள் எடுத்துக்காட்டுகள்.

சென்ற பிறந்தநாளின் போது இச்சிக்கலுக்காக பிறந்தநாளைக் கொண்டாடதவர்கள்[8], உண்ணாநோன்பு நாடகம் மேற்கொண்டவர்கள்[9] இனிமேல் என்ன செய்வார்கள் என்றுபார்க்கலாம்.

தலைவர்களெல்லாம் செவ்வனே இருக்கிறார்கள். இருப்பது நாம்தான். நாமென்ன செய்ய முடியும்? இடுகை எழுத முடியும். எழுதிய இடுகையை கருத்துரை எழுதுபவர்மறுத்து எழுதமுடியும். எல்லாம் சரிதான். நமக்கேன் ஊர்வம்பு? ஏதோ உள்ளிருப்பை ஆற்ற ஒரு இடுகை பெய்து விட்டேன். இன்னும் இந்தச்சிக்கல் தீர யாரேனும்உண்மையாக முயற்சி செய்யும் தலைவர்கள் இருப்பின் அவர் யார்? அவர் இப்போது என்ன செய்துகொண்டிருக்கிறார்? சுட்டிக்காட்டுங்களேன் பார்க்கலாம்.

[1] மு.க.அழகிரி

[2] மு.க.ஸ்டாலின்

[3] கனிமொழி

[4] நீயின்றி நானில்லை

[5] விஜயகாந்த்

[6] சரத்குமார், கார்த்திக்

[7] Aeronautical Engineering

[8] கமல்ஹாசன்

[9] விஜய்