சனி, 5 ஏப்ரல், 2025

கொலையாட்டம்

கொண்டாட்டங்களைக் 

குற்றங்களாக்கி 

நாம் விரட்டி விட்டதால்

குற்றங்கள் 

கொண்டாட்டங்களாகி

நம்மை விரட்ட தொடங்கிவிட்டன

மத்தாப்புகளைப் பிடித்த கைகள் 

வெடிகுண்டிற்கு பழகிவிட்டன.

https://tayagvellairoja.blogspot.com/2025/04/blog-post_5.html

வியாழன், 16 நவம்பர், 2023

எண்பதுகளில் வந்த பொங்கல் வாழ்த்து

வாழ்த்து மட்டும் போதுமே. எண்ண முடியாதவற்றிற்கு 'கள்' சேர்க்க வேண்டாம் என்பதறிக.
வாழ்த்துக்கள், வாழ்த்துகள் இரண்டுமே "Greetings" என்பதற்கு இதழியலாளர்கள் மற்றும் ஊடகத்தார் புதியதாய்ச் செய்த‌ தவறான‌ பதமே. எண்பதுகளில் இது கிடையாது. பொங்கல் வாழ்த்து அட்டைதான். திருக்குறளில் வருவது கூட கடவுள் "வாழ்த்து"த்தான்.  "கடவுள் வாழ்த்துக்கள்" அல்ல. தமிழை மிகுதியாய்ப் புகழ்ந்த அல்லது வாழ்த்திய சுந்தரனாருங்கூட "தமிழ்த்தாய் வாழ்ந்து" என்றே அருளியிருக்கிறார். "தமிழ்த்தாய் வாழ்த்துக்கள்" அல்ல. மிகுதியாய் இருக்கும் தண்ணீரை தண்ணீர்கள் என்றழைப்பது தகுமோ? 
அன்புடன், எளியோன்.
எண்பதுகளில் வந்த பொங்கல் வாழ்த்து. இப்போதெல்லாம் "வாழ்த்துக்கள்" என்று தவறாக எழுதுகிறார்கள். எண்பதுகளில் வந்த ஒரு மாதிரி வாழ்த்து.

செவ்வாய், 22 ஆகஸ்ட், 2023

கனவுகள் - அழைக்கிறார் அன்பர் அப்துல் கலாம்

கனவுகள் - அழைக்கிறார் அன்பர் அப்துல் கலாம்

விழிகள் இரண்டு ‍வரும்
கனவுகள் வகை மூன்று

துயில் கனவு
பகல் கனவு
குறிக்கொள் கனவு

துயில் கனவு
மிகைப்பாடு அதிகம்
நடப்பது கடினம்.

பகல் கனவு
பைத்தியம் எனும்
பழிச்சொல் தரும்.

குறிக்கோள் கனவு
சரிவரக் கொண்டால்
கோள் மாற்றம் திண்ணம்.

வாருங்கள்
கண்கள் திறந்து
கோள் மாற்றக்
கனவு காண்போம்.

சனி, 19 ஆகஸ்ட், 2023

கனவைத் தேடி

அந்தி நேரத்து மணியோசை குயிலுடன் கூடிய கூவலுடன் இணைந்தே ஒலித்தது. மாலைப் பறவைகள் கூடு தேடிச் செல்லும் பொழுதில் படித்துறையில் அமர்ந்து சிந்தித்துக் கொண்டிருந்தான் மயிலன். அந்தி நேரத்தில் தானெழுதிய அகக்காண் அட்டைக் குறிப்புகளை கண்முன்னே கொணர்ந்து மூளையேற்றிக் கொள்தல் மயிலனின் வழக்கம்.

"கனவு மூவகைப்படும்: முதலாவது தூக்கத்தில் வருவது, அடுத்தது சோம்பலில் வரும் பகற்கனவு, மற்றொன்று குறிக்கோள் கனவு." எப்போதோ, யாரோ எழுதிய கவிதையை வாசித்தது உள்ளத்தில் உதித்தது மயிலனுக்கு.
1. நன்கு பயின்று பள்ளியில் முதல்வனாக வேண்டும்.
2. அருமையான வேலையினை எளிமையாக முடிக்க வேண்டும்.
3. நால்வருக்கு நன்மை செய்து நற்றோனாக வாழ வேண்டும்.
அகக்காண் அட்டைப் பதிவுகளை மீண்டும் ஒரு முறை படித்து ஏற்றிக் கொண்டான். பதிவுகளைப் படித்து முடித்த நேரம்,
"வெற்றி வெற்றி என்று சொல்லும் கோயில் மணி" என்ற பாடல் ஒலிப்பானில் வரத் தொடங்கிற்று.
நீதி: குறிக்கோள் கனவை நாடோறும் பயின்று வரின் நிகழும்.