சனி, 12 ஏப்ரல், 2014

கலைஞர் கவிதைகள் சில துண்டு துண்டான வரிகள்

கலைஞரின் சொல்லோவியம் என்ற கவிச்சோலையிலிருந்து சில வரிகள். நாம் மறந்த, அல்லது இந்நாட்களில் ஒலிவடிவில் பயன்படுத்தாத சில வரிகளை அறியத்தருகிறேன் உங்களுக்காக.

இவைகள் கலைஞர் தொலைக்காட்சியில் ஒளிபரப்பானவை.
எதிர்வீணைப் பேச்சுக்காரி
கொய்யாக் கன்னம்
போர்வை உடல்
தென்னிலங்கை
தழல் பறக்க
கோடாரிப்பிடி

9/9/2012
பொலிவைக்காட்டி
பொடிபோட்டுப் பிடித்தேனா
கட்டியணைத்து காய்ச்சல் போக்கி
இதழ் மது உண்டு வருவதற்கு
புது வண்டு வராமலா போய்விடும்.
தங்கத்தமிழ் உவமை கூறி
சங்கத்தமிழ் வளர்க்கின்றார்.
வெள்ளரிக்காய் போன்ற பல்
அல்லால் - ஆங்கு சென்று
விளக்கொளி விழியாள்.
இருபந்தாடும் மார்பகம்
இன்பத்தேன் பொழியும் திருவிழா.

21/10/2012 திருக்குறளில் தேன்
கூடல் செய்யும் அன்புக்கிள்ளை
மாதர் வாழ்வுக்கு கற்புநெறி வட்டம்
ஏறு தழுவுதல் வீரர்க்கு அழகு.
நில மடந்தை
பண்பாடு போற்றுவோம்.
புண்பட்ட பல்லாங்குழி
தேள் கொட்டுண்ட துறவி.

7/10/2012
வலைஞர்
அஃதேபோல்
பைந்தமிழ்ப்பனுவல்
கவிக்கோமான்
பிணிதீர்த்து
குங்குமாகக் கன்னம்சிவக்க‌
விரைவில் கரம்பிடித்து மணப்பேன்.
விடுதுயரம்.
கலாபமே
பாலமுதே
வல்லூறு

14/10/2012
வாளி மன்னன் (வாளுடைய மன்னன்)
கற்கண்டு மொழியாலே
சொற்சொல்லும் பாவை
முட்டாளை முடுக்கிவிட்டாள்
தும்பிக்கு மலர்மீது இருக்கும் பற்று

சனி, 5 ஏப்ரல், 2014

அதிகம் படித்தலைவிட ஆழப்படித்தலே சிறந்தது (Linux boot process) - கணினிக்கதை


சென்ற தமிழ் கம்ப்யூட்டர் இதழில் (மார்ச் 16-31,2014, பக்கம் 44) வெளியான எனது கணினிக்கதை.
“எங்கே போகுதோ வானம், அங்கே போகிறோம் நாமும்…” யுட்யூபில் வெளியாகியிருந்த அதி உயர் தொழிற்நுட்பத்தில் (motion capturing) இருந்த கோச்சடையான் கணினி வரைகலைப்பாடலை தனது தந்த நிற (ivory colour) XUV500 வில் ஒலிக்கவிட்டு இளைப்பாறிக் கொண்டிருந்தான் நெடிலன். வண்டியில் இசையின் ஒலியளவு அதிகம் இருந்ததால் அவனது தோழி நுட்பாவின் கைபேசி அழைப்பு அவனுக்கு கேட்கவில்லை.

பாடல் முடிந்தவுடன் இருந்திருந்தாற்போன்று அவனது கண்கள் கைபேசியின் பக்கம் திரும்பியது. அனிச்சையாக கைபேசியைப் பார்த்தவனுக்கு ஐந்து ஏற்கா அழைப்புகள் (missed calls) இருந்தது அதிர்ச்சியளித்தது.
ஐந்தும் நுட்பாவினுடையதுதான். “மறுபடியும் கூப்டா நல்லா திட்டப்போறா..” நினைத்துக் கொண்டே கைபேசியைத் தடவி அழைப்புச் செய்தான் அந்த உயர் மென்பொறிஞன்.
கைபேசி அழைப்பு எடுக்கப்பட்டபின் 15 நொடிகள் மறுமுனையில் அமைதி.
"நுட்பா.." மௌனத்தை உடைத்தான் நெடிலன்.
"சொல்லுங்க.. நெடில்.." இது நுட்பா.
“இல்ல. நீ தான் கூப்டிருந்த...” இழுத்தான் அந்த இளமென்பொறிஞன்.
“எனக்கு நாளைக்கு பன்னாட்டு மென்பொருள் நிறுவனத்துல‌ நேர்காணல் இருக்கு.
“நீங்க. நேர்ல வந்தா நெறய ஐயங்கள் கேக்கணும். அதான்...” திட்டாமல் அமைதியாகப் பேசினாள் நுட்பா.
“அதுக்கென்ன பத்து மணித்துளிகள்ல வர்றேன்.” பளிச்சென்று பேசினான். பேசியவன், சொன்ன சொல் காப்பாற்றி பத்தே மணித்துளிகளில் நுட்பாவின் புத்தில்லமான பொற்குடிலுக்கு வந்தான்.
தனது நான்கு சக்கர ஊர்தியை அதற்குரிய இடத்தில் இட்டுவிட்டு சிரித்தபடி பொற்குடிலுக்குள் நடந்தான்.
"கைபேசிய எடுக்காம என்ன பண்ணிங்க?" வந்தவுடன் செல்லமாகக் கோபித்துக் கொண்டாள் நுட்பா.
“XUV500ல அடர்குறுவட்டு இயக்கில (DVD player) பாட்டுக் கேட்டுக்கிட்டிருந்தேன்.”  உண்மையை உளறியபடி, “அதான் வந்துட்டனே, ஒன்னோட கேள்வியெல்லாம் தொடங்கு...” நிலைமையைச் சமாளித்தான் நெடிலன்.
“உயர் மென்பொறி நிறைஞர் (Senior System Admin) பதவிக்கு ஐபிஎம்ல நாளைக்கு நேர்காணல். லினக்ஸ்தான் முக்கியமா கேக்கறாங்க.  நா..சாம்பா சர்வர், அப்பாச்சி சர்வர், PXE சர்வர், DHCP சர்வர் எல்லாம் படிச்சுட்டேன். நீங்க எதாவது உதவித்துளிகள் (tips) குடுத்தா பரவாயில்லை.”
“சர்வரெல்லாம் படிச்சுட்ட சரி, Linux boot process தெரியுமா? போர்ட் நம்பரெல்லாம் தெரியுமா?” விடையாக வேறொரு கேள்வி கேட்டான் நெடிலன்.
“அதெல்லாமா கேப்பாங்க. இது உயர் மென்பொறிஞர் பதவிதான…ரொம்ப நிறைய வழங்கிகள் (servers) பத்தித்தான கேப்பாங்க..” மறுமொழிந்தாள் நுட்பா.
“இந்த நெனப்புத்தான் தப்பு. எப்பவுமே நேர்காணல்ல, அடிப்படையான கேள்விதான் (fundamental questions) மொதல்ல கேப்பாங்க. அது சரியா இருந்தா, நம்ம மேல அவங்களுக்கு ஒரு நல்ல கருத்து (opinion) ஏற்படும். அதனால மேல போகப் போக‌ நாம தப்பா சொன்னாலும், அத விட்டுட்டு வேற கேள்வி கேப்பாங்க. நேர் சிந்தனையோட இருப்பாங்க. அடிப்படைலயே தப்பு பண்ணா, மேல கேள்வி எதும் கேக்கமாட்டாங்க. எதிர் சிந்தனை வந்துடும். இதுதான் அடிப்படை மனித விதி(basic human psycology).” நீட்டினான் நெடிலன்.
“ஐயோ! நா.. எனக்கு, linux boot process மறந்து போச்சே!.  அதுபத்தி சொல்லுங்க நெடில்.” மெல்லிய பதற்றத்துடன் நெடிலனின் நீள் நெற்றி நோக்கினாள் நுட்பா.
“பொதுவாக தொடக்க இயங்குதள ஏற்றினையே பூட் பிராசஸ் அப்டீன்னு சொல்றோம். Linux boot process, பொறுத்தவரையில் நான்கு நிலைகள் உண்டு.
  1. BIOS – Basic Input Output System
இதுல எதன் மூலம் லினக்ஸானது பொறிக்குள் வரவேண்டும் என்பது குறிப்பிடப்படும். அதாவது first boot device,
  1. boot from harddisk
  2. boot from DVD Live
  3. boot from network
நாம ஏற்கனவே பொறியில இருக்கற லினக்ஸ் பத்தி பேசறதால, boot from harddisk ஐ எடுத்துக்கலாம். அதுக்கடுத்து, 2. GRUB (Grand Unified Boot Loader version 0.97) க்கு பொறியானது வரும். நீ ரெட் ஹாட் லினக்ஸ் படிச்சிருக்கறதால, இந்தப் பதிப்பு பத்திப் பேசினாப் போதும். உபுண்டுன்னா, GRUB2.0 பதிப்பு வரும். அதப்படிச்சு இப்ப கொழப்பிக்க வேணாம். இந்த பூட் லோடர், /boot/grub/grub.conf கோப்புல இருக்கும். கூடிய மட்டும் அந்தக் கோப்புல (/boot/vmlinuz kernel file) இருக்கற சேதிகள மனப்பாடம் செஞ்சுக்க முயற்சி பண்ணணும். மொதல்ல, விஎம்லினக்ஸ் கோப்பானது ஏற்றப்படணும். இதுதான் கர்னல் கோப்பு. இந்தக்கோப்பு அழிஞ்சா அவ்வளவுதான் இயங்குதளம் எற்றப்படுவது நிறுத்தப்பட்டும்.
3. மூனாவது, இனிஷியல் ராம் டிஸ்க் கோப்பாகும். (/boot/initrd.img) இந்தக்கோப்பு அழிக்கப்பட்டு இருந்தா,  நாம mkinitrd கட்டள மூலமா அத‌ regenerate பண்ண முடியும். இது ரெண்டும் நல்லா லோட் ஆயிடுச்சுன்னா, அடுத்தது
4. runlevel லோட் ஆகணும்.
லினக்ஸ்ல ஏழு run levels உண்டு.” ஆங்கிலத்தில் தொடர்ந்தான் நெடிலன்.
init 0 halt / shutdown
init 1 single user mode
init 2 multi user mode without network
init 3 multi user mode with network
init 4 unused kept for future enhancement purpose
init 5 XII / GUI (Graphical User Interface)
init 6 reboot
“இந்த runlevels எல்லாம் மறந்து போனா, நாம‌, gedit /etc/inittab கட்டள குடுத்து எளிமையாப் பாக்கலாம்.” முனைப்புடன் பேசினான் நெடிலன்.
அவன் பேசும் அழகைச் சுவைத்துக் கொண்டே, “இப்ப எனக்கு நல்லா ஞாபகம் வந்துடுச்சு”, சொன்னாள் நுட்பா.
தனது கைபேசியில், கூகுளில் தேடி, /boot/grub/grub.conf கோப்பின் மாதிரியை எடுத்து (கீழே கொடுக்கப்பட்டுள்ள கட்டளை வரிகள்) விளக்கத் தொடங்கினான் நெடிலன் சரளமான ஆங்கிலத்தில்.
default=0
timeout=5
splashimage=(hd0,5)/boot/grub/splash.xpm.gz
hiddenmenu
title Red Hat Enterprise Linux (2.6.32-71.el6.i686)
root (hd0,5)
kernel /boot/vmlinuz-2.6.32-71.el6.i686 ro root=UUID=261182d6-76bb-46cc-a095-83d55a180724 rd_NO_LUKS rd_NO_LVM rd_NO_MD rd_NO_DM LANG=en_US.UTF-8 SYSFONT=latarcyrheb-sun16 KEYBOARDTYPE=pc KEYTABLE=us nomodeset crashkernel=auto rhgb quiet
initrd /boot/initramfs-2.6.32-71.el6.i686.img
title Other
rootnoverify (hd0,0)
chainloader +1
இதுல default=0 ங்கறது முதல் இயங்குதளத்த லோட் செய்ய உதவுது. timeout=5 அப்டீங்கறது, பயனருக்கு கொடுக்கற அவகாசம். இங்க 5 நொடிகள் இருக்கு. splashimage என்பது பூட் திரைக்கு பின்னால வர்ற, படம். hiddenmenu இந்த தேவையில்லாத வரிகள பயனருக்குத் தெரியாம மறைக்கறதுக்கு. titile பயனருக்கு எந்த இயங்குதளம்ன்னு சொல்றதுக்கு.  இந்த‌ GRUB ல ரெண்டு OS இருக்கு. title Other ங்கறது விண்டோஸ் இயங்குதளம்.” விறுவிறு வென விளக்கி முடிதான் நெடிலன்.
“இப்போ போர்ட் நம்பர் பத்தி பாக்கலாம். மொத்தம் 65535 போர்ட் நம்பர்கள் இருக்கு. எல்லாமே logical port numbersதான். well-known port numbers 0-1023. Registered port numbers 1024-49151 dynamic or private port numbers 49152-65535. போர்ட் நம்பர்ஸ் போதுமா?” கேள்வியுடன் முடித்தான் அந்த மென்பொருள் வல்லுநன்.
“சரி நெடில், போர்ட் நம்பரெல்லாம் மறந்துடுத்துன்னா என்ன பண்றது?” நுட்பா நுணுக்கமாகக் கேட்டாள்.
“ரெண்டு வகையாக நம்ம இந்த போர்ட நம்பர்களப் பாக்கலாம். OSல இருந்துக்கிட்டே பாக்கணும்னா,
Linux file for port numbers gedit /etc/services.
Windows file for port numbers C:\Windows\System32\Drivers\etc\services இணையத்துல பாக்கணும்னா, http://pnaplinux.blogspot.in/search/label/Misc தொடுப்பைப் பாக்கலாம் தனது கைபேசியில் மாதிரி வெளியீட்டினைக் காட்டிக் கொண்டே ஆங்கிலத்தில் அளந்தான் நெடிலன்.
“நன்றி நெடில். நீங்க சொன்னது எனக்கு நாளைக்கு நேர்காணலுக்கு கண்டிப்பா உதவும். மெத்த மகிழ்ச்சி.” அவனது அறிவினை வியந்த வண்ணம் நவின்றாள் நுட்பா.
“நேர்காணலில் வெற்றி பெற வாழ்த்துக்கள் நுட்பா.” வெகு இயல்பாகச் சொன்னான் நெடிலன்.

“ஆமா, நான் 5 தடவ கைபேசினேன் நீங்கதான் எடுக்கவேயில்ல. ஏன்?” வேண்டுமென்றே மீண்டும் கேட்டாள் நுட்பா.
“அப்பா...மறுபடியும் மொதல்லர்ந்தா?” மெல்லச் சிரித்த நெடிலன், “எங்கே போகுதோ வானம், அங்கே போகிறோம் நாமும்…” மகிழ்ச்சியுடன் முணுமுணுத்தான்.

நோக்கியாவின் புதிய ஆண்ட்ராய்டு கைபேசி

சென்ற தமிழ் கம்ப்யூட்டர் இதழில் (மார்ச் 16-31,2014, பக்கம் 10) வெளியான எனது கட்டுரை.
எப்பொழுது வரும் என்று ஏறக்குறைய அனைவராலும் எதிர்பார்த்துக் கொண்டிருந்த நோக்கியா ஆண்ட்ராய்டு கைபேசி விரைவில் சந்தைக்கு வருகிறது. சென்ற வாரம், அதாவது பிப்ரவரி திங்கள் இறுதி வாரம் பார்சிலோனாவில் நடந்த மொபைல் உலக மாநாட்டில் இது அறிவிக்கப்பட்டது.
இது முதலில் ஃபின்லாந்து நாட்டில் தயாரிக்கப்படும். (ஃபின்லாந்து நாட்டின் ஒரு சிற்றூரின் பெயரே நோக்கியா என்றழைக்கப்படுவதாகும்.) ஏரிகளின் நாடான (land of lakes) ஃபின்லாந்துவில்தான் நோக்கியா தொடங்கப்பட்டது.
கைபேசி உலகில் பல திறன்பேசிகள் வந்தாலும், நோக்கியாவிற்கு நிகர் அதுதான் என்பது உலகறிந்த உண்மை. அதற்குக் காரணம் அதன் நீடித்த உழைப்பு. மேலும் அதில் உள்ள மின்கலத்தின் உறுதித்தன்மை. நீரில் விழுந்தும், தூக்கியெறிப்பட்டும் கூட பிறகு மீண்டும் எடுத்து ஒட்ட வைக்கப்பட்டால் உழைக்கும் திறமை நோக்கியாவில் மட்டுமே உண்டு என்பதை இந்தியர்களுக்கு சொல்லித் தெரியத் தேவையில்லை.
கைபேசி உலகில் அனைவராலும் வாங்கக்கூடிய விலையில், பயனர் தோழமையில் (user friendly) உள்ள ஒரே அருமையான இயங்குதளமென்றால் அது ஆண்ட்ராய்டுதான். அது ஒரு திறமூல மென்பொருளாதலால் (open source) எவரும் பதிவிறக்கிப் பயன்படுத்தலாம்.
நோக்கியாவும் ஆண்ட்ராய்டும் கைகோர்க்குமா என்று சில ஆண்டுகளாக அனைவரும் எதிர்பார்த்துக் கொண்டிருந்த வேளையில், நோக்கியாவை மைக்ரோசாஃப்ட் வாங்கியது.
கைபேசி உலகில் நிலவிய கடும் போட்டியை சமாளிக்க முடியாமல் நோக்கியாவும், அதில் இயங்கிய‌ விண்டோஸ் இயங்குதளமும் சந்தித்த போது, ஆண்ட்ராய்டிற்கு எதிராக தனது கோலினை ஓச்ச வேண்டும் என்பதால்தான் மைக்ரோசாஃப்ட் அதனை வாங்கியது என்பதை எளிய பயனர்கள் கூட அறிந்து கொள்ளலாம்.
இனி இன்றைய கதைக்கு வருவோம். ஆண்ட்ராய்டு முழுக்க திறமூல மென்பொருள் கிடையாது. அதன் ஒருபகுதி லினக்ஸ் இயக்கமுறைமையின் அடிப்படையில் இருப்பதால் அதை மட்டும் எடுத்து சில பல மென்பொருள் தொடுதல்களைத் தட்டி (small software touchups), ஏற்கனவே இருக்கும் விண்டோஸின் இயக்கமுறைமையை ஒட்டி, இப்பொழுது அதில் இயங்காத, ஆனால் ஆண்ட்ராய்டில் இயங்கும் சில செயலிகளை இயங்கும் வண்ணம் இது அமைக்கப்பட்டிருக்கிறது என தொழிற்நுட்ப வல்லுநர்கள் கூறுகின்றனர்.
இதன் மூலம் கண்டிப்பாக உறுதியான மின்கலப் பயன்பாட்டுடன் கூடிய ஒரு நம்பகமான அதே நேரம் விரும்பத்தகுந்த பயனர் இடைமுகப்புடன் அமைந்த ஒரு திறன்பேசியை குறைந்த விலைக்குக் கிடைக்கச் செய்து தனது சந்தையின் மதிப்பினை ஏற்றிக்கொள்ள மைக்ரோசாஃப்ட் திட்டம் தீட்டுகிறது.
இது இந்தியா போன்ற வளரும் நாடுகளுக்காக மட்டுமே தயாரிக்கப்பட்டு சந்தையில் சோதனை செய்யப்படுகிறது. தொழிற்நுட்பத்தில் வளர்ந்த நாடுகளான ஜப்பான், அமெரிக்கா, கொரியா, கனடா போன்ற நாடுகளில் இது விற்பனை செய்யப்படாது என இணையம் தெரிவிக்கிறது.
மேலும் இது சாம்சங் கேலக்ஸி எஸ்5 லிருந்து மென்பொருள் உரிமையுடன் எடுக்கப்பட்ட ஒரு புதிய வடிவம் என்று கூறப்படுகிறது. இது ஒரு பயனர் மாறுபடுத்திய(customized) ஆண்ட்ராய்டு4.1 ஜெல்லிபீன் என்றும் கூறப்படுகிறது. இதனால் ஏதும் சட்டச்சிக்கல் இல்லாத வண்ணம் அதே நேரம் ஆண்ட்ராய்டின் போட்டியினை சந்தையில் சமாளிக்க மைக்ரோசாஃப்டிற்கு இந்த வன்பொருள் உதவும் எனது பெரிதும் நம்பப்படுகிறது.
இது நோக்கியா X series என்று அழைக்கப்படுகிறது. இதன் இந்தியப்பதிப்பு வரும் தேதி இன்னும் அதிகாரப்பூர்வமாக அறிவிக்கப்படவில்லை எனினும், இது இம்மாத இறுதியில் வரும் என எதிர்பார்க்கப்படுகிறது.
இதன் சிறப்பு அணிகள்:
  1. புத்தாக்கத்துடன் கூடிய ஆண்ட்ராய்டு ஜெல்லிபீன் (ஆன்ட்ராய்டு4.1)
  2. பயனர் கூகுள் செயலிகளை (Google apps) APK கோப்புகளின் மூலமா பதிவிறக்கிப் பயன்படுத்திக் கொள்ளலாம்.
  3. கூகுள் App store இதில் இருக்காது. அதாவது, ஜிமெயில், கூகுள் குரோம், கூகுள் மேப்ஸ் அடங்கியவை நீக்கப்பட்டு, அதற்கு மாற்றாக‌ Outlook, Microsoft exchange, Nokia express browser ஆகியவை சேர்க்கப்பட்டு உள்ளன.
  4. இதன் இடைமுகப்பு ஆண்ட்ராய்டு போல அல்லாமல், நோக்கியா ஆஷாவின் இடைமுகப்பினை ஒத்துக் காணப்படுகிறது.
  5. மற்ற ஆஷா இயங்குதளங்களில் இருக்கும் மூன்று பொத்தான்கள் நீக்கப்பட்டு, back பொத்தான் சேர்க்கப்பட்டுள்ளது.
  6. நோக்கியா இதற்கான சிறப்பான App Store ஐச் சேர்த்துள்ளது.
மூன்று வகையான நோக்கியா X Series கள் வெளியிடப்பட இருக்கின்றன.
இதன் விபரங்கள் பின்வருமாறு:
Nokia X 89 euros (7538.52 INR)
Main camera sensor: 3-megapixel Display size: 4-inch Processor name: Qualcomm Snapdragon S4, Dual-core 1 GHz
Maximum talk time (3G): 10.5h Maximum music playback time: 26h Photo sharing: Twitter, Facebook, Send as email attachment, Share over Bluetooth
Social apps: Facebook, Twitter, WeChat, Viber, Skype
Display resolution: WVGA (800 x 480) Display features: Brightness control, Tactile feedback, Orientation sensor, Nokia Glance screen, Wide viewing angle, Screen double tap
Display colors: TrueColor (24-bit/16M) Aspect ratio: 15:9 Pixel density: 233 ppi
Display technology: IPS LCD Touch screen technology: Capacitive two-point touch
Sensors: Ambient light sensor, Accelerometer, Proximity sensor
Nokia X+ at 99 euros (8385.55 INR)
User data storage: In device, Memory card
RAM: 768 MB
Mass memory: 4 GB
Expandable memory card type: MicroSD
Maximum memory card size: 32 GB
Nokia XL for 89 euros (9232.57 INR)
Main camera sensor: 5 MP
Display size: 5-inch
Processor name: Qualcomm Snapdragon S4
Maximum talk time (3G): 13h
Maximum music playback time: 37h
Photo sharing: Twitter, Facebook, Send as email attachment, Share over Bluetooth
Social apps: Facebook, Twitter, WeChat, Viber, Skype
மைக்ரோசாஃப்ட் இப்படி சந்தையை மேம்படுத்துவது பற்றி கனவு கண்டு கொண்டிருக்க, சில கைபேசி நுட்பவியலாளர்கள் இந்தத் திறன்பேசி வந்தவுடன், எப்படி நாம் மைக்ரோசாஃப்ட் மடிக்கணினியில் உபுண்டு உள்ளிட்ட பல்வேறு லினக்ஸ் இயக்க முறைமைகளை நிறுவிப் பயன்படுத்துகிறோமோ அது போலவே திறன்பேசியிலும் குறிப்பிட்ட  இயங்குதளத்தினை அழித்துவிட்டு, நமக்கு வேண்டிய ஆண்ட்ராய்ட் கிட்கேட் ஐக் கூட நிறுவிக் கொள்ளலாம் என பேசிவருகின்றனர். நோக்கியாவின் நிலைமை என்ன என்பதை சில நாட்கள் பொறுத்திருந்து பார்ப்போம்.
மேலும் விபரம் அறிய‌
http://gadgets.ndtv.com/mobiles/news/nokia-x-android-smartphone-listed-online-at-rs-8500-with-march-15-availability-491743