தமிழறிவோம்

புதிய பரிணாமம்

புதிய பரிமாணம்

புதிய பரிமாணம்

புதிய பரிணாமம்

படி என்னும் வார்த்தை எத்தனை பொருளில் வருகிறது, எத்தனை பரிமாணங்களில் வருகிறது என்பதைப் பார்போம்.

1. படி பெயர்ச்சொல்

பெயர்ச்சொல்லாக எடுத்துக் கொண்டால் படிக்கட்டு சொல்லைக் குறிக்கிறது

2. படி பெயர்ச்சொல்

படிக்காசு (allowance) சொல்லைக் குறிக்கிறது.

அன்றாடப்படி (daily allowance)

3. படி பெயர்ச்சொல்

உழக்கு என்னும் வழக்கொழிந்த சொல்லைக் குறிக்கிறது.

எ.கா; கால்படி அரைப்படி

4. படி வினைச்சொல்

வினைச்சொல்லாக எடுத்துக் கொண்டால் படித்தல், (வாசித்தல்) தொழிலைக் குறிக்கிறது.

5. படி வினைச்சொல்

xerox என்னும் சொல்லுக்கு இணையான படி எடுத்தல் தொழிலைக் குறிக்கிறது.

எ.கா; Backup = காப்புப்படி

xerox = ஒளிப்படி

6. படி வினைச்சொல்

அடிபணிந்து செல்லல் தொழிலைக் குறிக்கிறது.

7. படி படி அடுக்கடுக்காய் வந்தால்

படிப்படியாய் முன்னேறுதல் தொழிலைக் குறிக்கிறது.

இப்போது "சும்மா" எப்படி இருக்கிறது என்பதைப் பார்ப்போம்.

1. சும்மா

"சும்மா இரு" என்றால் அமைதியாக இரு என்று பொருள்.

2. சும்மா

"சும்மாதான்" என்றால் ஒரு பேச்சுக்குத்தான், விளையாட்டுக்குத்தான் என்று பொருள்.

3. சும்மா

"சும்மா பேசிக்கிட்டே இருக்காதே" என்றால் எப்பொழுதும் பேசிக்கிட்டே இருக்காதே என்று பொருள்.

4. சும்மா

"சும்மாதான் செஞ்சேன்" என்றால் காரணமில்லை என்று பொருள்.

5. சும்மா

"சும்மாதான் இருக்கேன்" என்றால் வேலையில்லாமல் இருக்கேன் என்று பொருள்.

6. சும்மா

"சும்மாதான் ஒப்புக்காகத்தான்" ஒன்றுமில்லை என்று பொருள்.

7. சும்மா

"சும்மா சும்மா செய்யாதே" என்றால் அடிக்கடி செய்யாதே என்று பொருள்.

சரி. "படி" மற்றும் "சும்மா" பற்றி தெரிந்து கொண்டோம். அவைகளை ஏழு வழிகளில் பிரித்தாராய்தோம் . சும்மா இருக்காமல் படியுங்கள்.

கேட்ட கதை

நான் பள்ளியில் படிக்கும்போது எங்களிடம் ஆய்வு செய்ய வந்த உயர் அதிகாரி ஒரு கேள்வி கேட்டார் !

இந்த பூமி திடீரென சுழல்வதை நிறுத்தி கீழே விழுந்து விட்டால் நாம் என்ன ஆவோம் ?

பலர் விழித்தனர் ! 

சிலர் பதிலாக எரிந்து விடுவோம் ! சிதைந்து விடுவோம் !! காற்று இல்லாமல் செத்து விடுவோம் !!! என்றெல்லாம் சொல்ல 

ஒரு பெண் மட்டும், எது கீழே ? எது மேலே ?எங்கே விழுவோம் ? என்று திருப்பிக் கேட்டு பாராட்டுகள் பெற்றாள் !