நிலைமை

கற்ற தமிழ் மங்காதிருக்க‌

உளச்சோர்வும் ஒவ்வாமையும் ஒழிந்து போக‌

கண்ணெரிச்சல் காணாமல் போக‌

நிரல் குழப்பம் நீங்கிப்போக‌

பொங்குதமிழ் கொண்டு புனைந்தான் புதுக்கவிதை

இணையத்தில் காலங்கழிக்கும்

இக்கால மென்பொறிஞன்.

---

அருஞ்சொற்பொருளுக்கும் (Glossary) ஆங்கிலம் தேவைப்படுகிறது. தமிழ்த்தாய் மன்னிப்பாளாக.

---

உளச்சோர்வு - Depression

ஒவ்வாமை - Allergy

நிரல்         - Program

இணையம்         - Internet

மென்பொறிஞன் - Software Engineer

கவிதை சொல்லும் பெருநெறி::

தமிழ் கவிதைகள் படிப்பதால் தென்றல் வீசுஞ்சோலையில் வாசஞ்செய்வது போலிருக்கும். ஆதலால் உளச்சோர்வு, ஒவ்வாமை, பெருங்குழப்பம், கண்ணெரிச்சல் போன்றவைகள் நீங்கி புத்துணர்வு பெறுதல் திண்ணம்.