புதன், 4 பிப்ரவரி, 2009

திண்டுக்கல் சாரதி, திருவண்ணாமலை - ஒரு பார்வை

திருவண்ணாமலை

அடங்கவே அடங்காத பேரரசு எடுத்திருக்கும் அடுத்த படம். இதிலும் அடங்கவேயில்லை. நாம்தான் படம் பார்த்து அடங்க வேண்டியிருக்கிறது.

என்ன நினைத்துத்தான் படம் எடுத்தார்களோ தெரியவில்லை. இயக்குனர் சிகரத்தின்1 நிறுவனத்திலிருந்து இப்படியொரு படமா தலைவலிதான். நாயகனின்2 தாய்மொழி கன்னடம். எனவே கன்னட ஒட்டாக நாயகி3. ஆடுகிறார். வாயசைக்கிறார். ஆனால் நடிப்பு. ?? நாயகன் இருவழிகளில்4 வருகிறார். இருவர் என்றால் எப்போதும் வரும் மறுகாட்டுதலை5 இப்படத்தில் வைக்கவில்லை. அதற்கு பாராட்ட நினைத்தாலும், அடுத்தடுத்து வரும் கிறுக்குத்தனங்களைப் பார்க்கும் பொழுது அவ்வாறு செய்யத் தோன்றவில்லை.

எல்லாப்படத்திலும் வருவது போலும் இதிலும் வந்து படுத்துகிறார் பேரரசு6. ஒரு நாயகன்7 அமைதியாயிருப்பார் என்று நினைத்தால், அவரும் அடிக்கிறார். என்னதான் சொல்ல வருகிறார்களோ?? இசையமைப்பாளர்8 எப்பொழுதும் போல் இசைபழகி வருகிறார்.

சிரிப்பு நடிகரை9 அடித்தே கொல்கிறார்கள். அவரை அடிக்கும்பொழுது வரும் கூட்டம் நாயகனையோ, எதிர் நாயகனையோ அடிக்கும் பொழுது வருவதில்லை. ஒவ்வொருவராக வந்து அடி வாங்கிச் செல்கின்றனர். எல்லாரும் உரக்க ஒரு முறை சிரியுங்கள். பேரரசு படம் எடுத்திருக்கிறார்.

1கவிதாலயா

2அர்ஜீன்

3பூஜா காந்தி

4Dual role

5Flash back

6சுவாமி மலை என்னும் மருத்துவர்

7இறைய‌டியவர்

8இற்றீகாந்த் தேவா என சொல்லவும் வேண்டுமோ

9கருணாசு

திண்டுக்கல் சாரதி:

இதுவரை நகைச்சுவையாளனாக இருந்தவர்1 நாயகனாகி இருக்கும் முதல் படம். இவரது நடிப்பு பரவாயில்லை வகை. அவரது குரலில் இன்னும் தேர்ச்சி இருந்தால் நன்றாக இருந்திருக்கும் என்றெண்ணத்தோன்றுகிறது.
மலையாளத்தில் எப்பொழுதோ வந்த கதையினை தட்டி எடுத்து ஒரு தனியார் தொலைக்காட்சி2 விளம்பர முலாம் பூசித்தந்திருக்கிறார்கள். நாயகி3 நல்ல குண்டாக இருக்கிறார். நாயகனைத் தூக்கி ஆடுகிறார்.

பல நகைச்சுவையாளர்களை4த் திரையில் சந்தித்தவர்கள் நாம். ஆகவே இப்படம் அப்படியொன்றும் பெரிய சிரிப்பினை வரவழைக்கவில்லை என்பது சற்று கவலைக்குரிய செய்திதான். ஒரு குடும்பப்படம் பார்க்கும் உணர்வு ஏற்படுகிறது.

தாழ்வு மனப்பான்மையில் வாடும் ஒரு மனிதனின் கதையினை நகைச்சுவையோடு சொல்லியிருக்கிறார்கள். அதுவும் ஓரளவு எடுபட்டிருக்கிறது. மொத்தத்தில் திண்டுக்கல் சாரதி சற்றே சுணக்கத்தோடு நகைச்சுவை தருபவன்.

1கருணாசு

2Sun TV

3கார்த்திகா

4என்.எஸ்.கே,கிரேசிமோகன், கமலஹாசன்,நாகேசு,கௌண்டமணி,வடிவேலு

பதிவிறக்கம் செய்ய: http://pnaprasanna.blog.co.in/files/2009/02/thiruvanna.pdf

0 Comments: