என்னைக்கவர்ந்த பாடல்
படம்: உழவன்
பாடியவர்: எஸ்.பி.பாலசுப்ரமணியம்
பாடல்: வாலி
நடிப்பு: பிரபு, பானுப்ரியா, ரம்பா
இசை: ஏ.ஆர்.ரஹ்மான்
இயக்கம்: கதிர்
பல்லவி
பெண்ணல்ல பெண்ணல்ல ஊதாப்பூ
சிவந்த கன்னங்கள் ரோசாப்பூ
கண்ணல்ல கண்ணல்ல அல்லிப்பூ
சிரிப்பு மல்லிகைப்பூ
சிறுகைவளை கொஞ்சிடும் கொய்யாப்பூ-அவள்
கைவிரல் ஒவ்வொன்றும் பன்னீர்ப்பூ
மைவிழி ஜாடைகள் முல்லைப்பூ
மணக்கும் சந்தனப்பூ
சித்திரமேனி தாழம்பூ
சேலையணியும் ஜாதிப்பூ
சிற்றிடை மீது வாழைப்பூ
ஜொலிக்கும் செண்பகப்பூ - பெண்ணல்ல...
சரணம் 1
தென்றலைப் போல மிதப்பவள் -எனைத்
தழுவக் காத்துக் கிடப்பவள்
செந்தமிழ்நாடுத் திருமகள் -எந்தன்
தாய்க்கு வாய்த்த மருமகள்.
சிந்தையில் தாவும் பூங்கிளி -அவள்
சொல்லிடும் வார்த்தை தேன் துளி
அஞ்சுகம் போல இருப்பவள் -கொட்டும்
அருவி போலச் சிரிப்பவள்
மெல்லிய தாமரை காலெடுத்து
நடையைப் பழகும் பூந்தேரு
மெட்டியைக் காலில் நான் மாட்ட
மயங்கும் பூங்கொடி - பெண்ணல்ல...
சரணம் 2
சித்திரைமாத நிலவொளி -அவள்
சில்லென தீண்டும் பனித்துளி
கொஞ்சிடும் பாத கொலுசுகள் -அவை
கொட்டிடும் காதல் முரசுகள்
பழத்தைப்போல இருப்பவள் -வெல்லப்
பாகைப் போல இனிப்பவள் -சின்ன
மைவிழி மெல்லத்திறப்பவள் -அதில்
மன்மதராகம் படிப்பவள்
உச்சியில் வாசனைப்பூ முடித்து
உலகம் அளக்கும் பூந்தோட்டம்
மெத்தையில் நானும் சீராட்ட
பிறந்த மோகனம். - பெண்ணல்ல...
0 Comments:
Post a Comment