செல்வந்தனான சேரி நாய் - திறனாய்வு

இதைவிடச் சிறப்பாக வடமொழிப்படத்திற்கு தமிழில் பெயர் வைக்க முடியாது என என்னை நானே மெச்சிக்கொண்ட தலைப்பு இது.

செல்வந்தனான சேரி நாய்¹ - திறனாய்வு

பல நாட்களுக்கு பின்பு ஒரு நல்ல படம் பார்த்த நிறைவு இயக்குனரால் தர முடிந்திருக்கிறது. மேலும் இப்படத்திற்கான விளம்பரங்கள் இதனை மேலும் பார்க்கத் தூண்டுகிறது. அயல்நாட்டு விருதுகள்² பத்திற்கு இது பரிந்துரை செய்யப்பட்ட படம் என்பதால், இது அத்துணை உயரிய விருதுகளெல்லாம் உரியதா என்னும் ஆய்வினைச் சற்றே தள்ளி வைத்து விட்டு ஆய்வு செய்யலாம்.

கதை - சேரியில் பிறந்து வளர்ந்தவன் கோடிகளுக்கு உரியவனாவது. ஒரு போட்டியில் கலந்து கொள்கிறான். கேள்விகளுக்கு விடையளிக்கிறான். வெற்றி பெறுகிறான். இடையில் காதல், மோதல், உணர்ச்சிகள் என படம் செல்கிறது.

என்ன போட்டி³ என்பவர்கள் தென்றென புரிய வடநாட்டு அலைவரிசை⁴ யினைப்பார்த்திருக்க வேண்டும்.

கேள்வி கேட்டு விடையளிக்கு எளிமையான கதை மூன்று கதைக்களன்களில் செல்கிறது. அங்குதான் திரைக்கதையின் உயிர் தெரிகிறது. முதல் களன் நாயகன்⁵ எப்படி இத்துணை கேள்விகளுக்கு விடையளித்தார் என்ற ஆய்வில் செல்கிறது. அவரை அடித்துத்துவைக்கிறார்கள். இரண்டாவது களனில் நாயகன் போட்டியில் எப்படி விடையளிக்கிறார் என்பதில் விரிவடைகிறது. மக்களெல்லாரும் அவர் வெற்றி பெறுவதை பொறாமையோடு பார்க்கும் போட்டிக்காட்சிகளில் விரிவடைகின்றன. . மூன்றாவது கதைக்களன் நாயகன் சிறுஅகவையில் பட்டது⁶; அதன் மூலம் கண்டு கொண்டதில் பயணிக்கிறது.

கதைக்குள் கதைக்குள் கதைதான். ஆனால் அதைத் தொகுத்திற்கும் வகையில் அனல் பறக்கிறது. இவ்வகை திரைக்கதைகள் நம் நாட்டிற்குச் சேய்மையானவை. படத்தினை நெறியாண்டவரும்⁷ நம்மவரல்லர். பத்து அயல்நாட்டு விருதுகளுக்கு பரிந்துரைக்கப்பட்டதற்கான காரணம் புரிகிறதல்லவா!

நாயகனின் வலிகள், காதல், எல்லாவற்றையும் அவன் வெற்றி கொள்ளுவகை என அனைத்திலும் புதுமையாகச் செய்திருக்கிறார் அறிமுக வடநாயகன். பதினெட்டு அகவைதான் ஆகின்றதாம் நம்பமுடியவில்லை. உச்சகாட்சியில் பாடல் புதிது.

இசையமைப்பாளர்⁸ நன்கு பரிமளிக்க உதவியிருக்கும் படம். அவரும் விளையாண்டிருக்கிறார். பின்னணி இசையும் அருமை. அவருக்கு ஏற்கனவே தங்கப்புவி விருது⁹ இப்பட இசைக்காக கிடைத்து விட்டது. தமிழ் எக்காளம் சார்பாக அவருக்கு அயல்நாட்டு உயர் விருது கிடைக்க வாழ்த்துக்கள்.

நம்நாட்டு போட்டி விளையாட்டு. அதைப்பற்றி கேள்வியும் - விடையும்¹⁰ என்று எழுதியவரும் நம்மவரே. அதைப்படமாக எடுத்தவர் அயல்நாட்டவர். அதையும் நாம் சுவைத்து திறனாய்வு செய்கின்றோம். எனினும் அவர் இந்தியாவாழ் அயல்நாட்டவர். அவர் வெற்றி பெற வாழ்த்துவோம்.

1Slumdog Millionaire

2Oscar Awards

3Kuan Banega Krorpati

4Star Plus

5Dev Patel

6Experience in childhood days

7Director - Danny Boyel

8A.R.Rehman

9Golden Globe

10The book Q and A